Futbol lokali
FILMAT BOV Premier: Skoss għall-Ħamrun Spartans u Mosta jirbħu bil-penalty

KAMPJONAT BOV PREMIER 2018/19

Ħamrun S…..0

Mosta…………1

Skoss qawwi għall-Ħamrun Spartans fil-Hibernians Stadium meta fit-tieni logħba tas-Sibt waranofsinhar huma tilfu bl-iskor ta’ 1-0 kontra l-għaxra min-nies tal-Mosta. Għalkemm il-logħba qatt ma laħqet l-aspettattiva tagħha, kienet dominata minn diversi deċiżjonijiet li setgħu dehru diskutibbli min-naħa tar-referee, imma fl-aħħar mill-aħħar il-Mosta nqalgħu xi ftit mill-pożizzjonijiet tan-naħa t’isfel tal-klassifika.

Ħamrun daħlu għal dan il-konfront wara 10 logħbiet li fihom dejjem ħadu xi punti għaliex minnhom rebħu sebgħa u ġew dro tlieta. Mosta kienu ġejjin minn dro tajjeb kontra Balzan ta’ mingħajr gowls filwaqt li qabel ħarġu rebbieħa mar-Rainbows bl-iskor ta’ 2-0. Fl-ewwel round il-logħba bejn dawn it-tnejn spiċċat fi dro ta’ 0-0.

Fil-25 minuta Ħamrun resqu viċin meta mill-cross ta’ Criaco, id-daqqa ta’ ras ta’ Moukanza kienet pjuttost dgħajfa u allura Vella ma kellux problema jsalva. Fil-41 minuta Darlington ta’ Mosta kien ammonit minħabba simulazzjoni għal penalty fil-kaxxa Ħamruniża.

Fil-65 minuta kien imiss lil Cisotti li jispiċċa ammonit minħabba simulazzjoni, deċiżjoni diskutibbli li xejn ma’ qablu magħha l-plejers u l-partitarji Mostin. Mad-69 minuta Mosta resqu verament viċin meta Cisotti bir-ras ġab lil Darlington waħdu quddiem Cini, li iżda x-xutt angolat tiegħu kien imtajjar mill-goalkeeper Ħamruniż. Fit-72 minuta Cisotti ġie mwaqqa’ mill-goalkeeper Cini u din id-darba r-referee pponta lejn iċ-ċirku tal-11-il metru u Demir Imeri tefa’ l-ballun naħa u l-goalkeeper oħra biex għamilhom 1-0. U filwaqt li l-plejers Mostin kienu qegħdin jiċċelebraw, il-plejer Gianluca Cuomo deher jagħmel xi mossa lill-partitarji avversarji, ir-referee wrieh karta safra oħra u allura bagħtu jinħasel qabel sħabu fid-dressing room. Fit-82 minuta Tyrone Farrugia kien l-eroj u s-salvatur tal-Mosta meta minn fuq il-linja rnexxielu jtajjar il-ballun tas-sostitut Darmanin li kien dieħel fix-xibka.

Riżultat finali: Ħamrun S. 0  Mosta 1

Referee: Fyodor Zammit

BOV Player tal-Logħob: Juri Cisotti (Mosta)

Miktub minn...
TVM Sport
.
Aħbarijiet Oħra
Futbol lokali

Illum tkomplu u tlesta l-MFA Symposium li kien organizzat f’Dar il-Mediterran fil-Belt Valletta. Dan is-symposium wassal tagħrif ta’ opportunitajiet fid-dinja diġitali tal-lum. Is-Symposium fetaħ b’diskors tal-President tal-MFA Norman Darmanin Demajo…

Futbol lokali

Darren Abdilla hu l-kowċ il-ġdid ta’ Valletta FC. Hu ffirma kuntratt li se jorbtu mal-klabb sal-istaġun 2021/2022. L-aħbar saret uffiċjali ilbieraħ filgħaxija. Abdilla kien strumentali biex Gżira United FC għamlu…

Futbol lokali

Bob Higgins, l-ex Youth Development Officer tal-Malta Football Association, instab ħati fuq 45 kap ta’ akkuża ta’ abbuż sesswali fuq 23 tifel. Higgins kien ingħata din il-kariga fl-MFA f’Lulju tal-1989…

Futbol lokali

Manuele Blasi, l-ex plejer tas-Serie u tat-tim nazzjonali Taljan, mil-lum sar il-kowċ ta’ Hamrun Spartans FC. Blasi se jkun qed jibdel lil Giovanni Tedesco li ħalla l-kariga tiegħu biex ingħaqad…

Aktar