Futbol lokali
Sliema Wds jibdew ‘galore’ b’rebħa fuq iċ-Champions Valletta

KAMPJONAT BOV PREMIER 2018/19

Sliema Wds……3

Valletta…………o

Stadium Nazzjonali, Ta’ Qali

Iċ-Champions Valletta jibdew l-istaġun b’telfa diżapuntanti Sliema W.

L-ewwel xutt fil parita ġie min-naħa ta’ Valletta meta fl-10 minuta Matteo Picciolo fajjar xutt b’saħħtu pero l-goalkeeper Slimiż Jake Galea mblokka b’diffikulta’. Fil-21 minuta xutt angulat fil-baxx ta’ Jefferson De Assis għadda tul il-lasti ta’ Bonello u spiċċa barra. Fit-32 minuta Pena Beltre kompla lejn Santiago Malano pero’ xutt dgħajjef ta’ dan ġie salvat faċilment minn Galea. Tlett minuti wara, żball fid-difiza beltija daħal fuq il-ballun Mark Scerri iżda xutt tiegħu kien żbaljat għal kollox u spiċċa barra. Tlett minuti qabel spiċċat l-ewwel taqsima Sliema marru fil-vantaġġ, kien Jefferson li kompla lejn Ryan Fenech u xutt ta’ dan ġie imblukkat  f’korner…mill-istess korner li ngħata minn Fenech wasal il-goal Slimiż b’daqqa ta’ ras ta’ Kurt Shaw li mill-viċin għeleb lil Henry Bonello.

Fit-53 minuta kross ta’ Pena Beltre u daqqa ta’ ras ta’ Santiago Malano ġiet salvata mal-art minn Jake Galea. Żewġ minuti wara Sliema għal darb’oħra perikolużi, l-ewwel xutt ta’ Mattias Mucciardi ġie salvat parzjalment minn Bonello, l-azzjoni kompliet b’xutt ieħor ta’ Frank Temile li Bonello salva bl-għajnuna tal-lasti. Fis 60 minuta Sliema għamlu l-iskor 2-0…..il free kick dirett ta’ Ryan Fenech qarraq għall kollox bid-difiża beltija , inkluż bil goalkeeper Bonello, bil-ballun jispiċċa fix-xibka. Fit-83 minuta Beltre għadda l-ballun lil Fontanella pero’ dan minn taħt Galea, tefa’ barra sabiex minuta wara Sliema kisbu it-tielet goal tagħhom meta Temile ġab waħdu lil Ryan Fenech li baqa’ javvanza u bil-kalma kollha għeleb lill-goalkeeper Bonello.

Riżultat finali: Sliema W. 3 v Valletta FC.0.

Referee : Philip Farrugia.

BOV Player tal-partita: Ryan Fenech (Sliema W.)

 

Miktub minn...
TVM Sport
.
Aħbarijiet Oħra
Futbol lokali

Dr Chris Bonett u Bjorn Vassallo, iż-żewġ kontestanti għall-kariga ta’ President tal-Malta Football Association, illejla se jkunu flimkien fi programm speċjali li jixxandar fuq TVM2 mid-21.00 ‘il quddiem. Bonett u…

Futbol lokali

Kwalifikazzjoni prestiġjuża għal Valletta għat-tieni round tal-UEFA Champions League wara draw ta’ 1-1 ma’ Dudelange tal-Lussemburgu fis-Centenary Stadium, Ta’ Qali. Valletta jgħaddu bil-goals skurjati away minkejja l-aggregate ta’ 3-3 wara…

Futbol lokali

Ħdax-il team maqsuma f’żewġ diviżjonijiet se jieħdu sehem fl-istaġun ġdid tal-Masters Football li jingħata bidu f’Settembru. Fi preżentazzjoni lill-media, tħabbar li l-ewwel partiti taż-żewġ kampjonati nfishom se jintlagħbu f’Settembru: iżda…

Aktar