Snooker
Snooker: Kampjonat Ewropew 2018 – Il-Maltin jibdew b’żewġ rebħiet

Hekk kif il-plejer żagħżugħ Isaac Borg temm l-impenji tiegħu fil-Kampjonati Ewropej tas-snooker ta’ taħt it-18 u l-21 sena fejn ġie eliminat fl-aħħar 42 u 57 rispettivament, issa beda il-kampjonat tal-irġiel.

Bdew l-impenji tagħhom Brian Cini u Joseph Casha. Fi Grupp G, Cini rebaħ l-ewwel logħba tiegħu kontra Laurens De Staelen tal-Belgju 4 – 3. Filwaqt li fi Grupp F, Joseph Casha għeleb lill-Ingliż, Riley Parsons 4 – 3.

Illum jitkompla l-logħob fejn Brian Cini jilgħab kontra Callum Beresford fil-5 pm (ħin lokali).

Fl-istess ħin Joseph Casha jilgħab kontra Alex Taubman ta’ Wales. Duncan Bezzina jibda l-impenji tiegħu fi Grupp W illum ukoll fin-12.30pm kontra Anthony Heaney tal-Ingilterra.

Minn Grupp N, Jason Peplow jilgħab kontra Saqib Nazir tal-Ingilterra fl-10am, filwaqt li Aaron Busuttil jilgħab kontra Heikki Niva tal-Finlandja fi Grupp J fl-10am.

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Snooker

Brian Cini rebaħ il-kampjonat nazzjonali tad-diviżjoni premier tas-snooker organizzat mill-Malta Billiards and Snooker Association. Cini għeleb lil Aaron Busuttil 6-5 f’finali ferm eċċitanti quddiem pubbliku numeruż, fosthom l-eks plejer professjonali…

Futbol lokali

L-Aħbarijiet Sportivi tas-Sibt 24 ta’ Marzu

Snooker

Is-Seed Numru 1 Adam Stefanów tal-Polonja, li aktar kmieni fil-kompetizzjoni elimina lill-Malti Duncan Bezzina, huwa l-ewwel finalista tat-Tournament Mixed Gender fil-kampjonati inawgurali tad-dinja għall-amateurs li qed ikunu organizzati hawn Malta…

Aktar