Snooker
Snooker: L-ewwel impenji għal Alex Borg fil-World Snooker Main Tour

Il-plejer professjonali Malti tas-Snooker Alex Borg għada t-Tlieta jħalli Malta biex jibda l-impenji tiegħu fil-Main Tour organizzat mill-World Snooker wara li l-ġimgħa l-oħra kkwalifika minn tournament ta’ kwalifikazzjoni li sar f’Wigan, fl-Ingilterra.

Borg rebaħ Main Tour Card fejn se jkun jista’ jikkompeti fit-tournaments professjonali għas-sentejn li ġejjin, 2019/20 u 2020/21.

Borg jibda l-impenji tiegħu din il-ġimgħa meta jsiru l-logħob ta’ kwalifikazzjoni ta’ żewġ ranking tournaments li l-logħob tagħhom jintlagħab f’Ponds Forge, f’Sheffield, fl-Ingilterra.

L-ewwel impenn ta’ Borg ikun l-Erbgħa fir-Riga Masters meta fit-8pm (ħin Malti) hu jiltaqa’ kontra n-numru 27 fir-rankings mondjali kontra Tom Ford tal-Ingilterra. Din il-logħba tkun l-aħjar minn 7 frames.

Nhar is-Sibt imbagħad Borg jilgħab logħba ta’ kwalifikazzjoni mill-International Open meta fit-3.30pm (ħin Malti) huwa jiltaqa’ kontra n-numru 56 fir-rankings Daniel Wells ta’ Wales fuq l-aħjar minn 9 frames.

Ir-rebbieħa ta’ dawn il-logħbiet jikkwalifikaw għall-fażi finali tat-tournaments rispettivi li jintlagħbu fil-Latvja u ċ-Ċina fix-xahrejn li ġejjin.

Miktub minn...
TVM Sport
Aħbarijiet Oħra
Snooker

Mark Allen ikkwalifika għall-finali tat-Tour Championship meta fis-semifinali għeleb lil Mark Selby 9 frames għal 2. It-tournament qed jintlagħab fil-Marshall Arena, f’Milton Keynes. Il-plejer mill-Irlanda ta’ Fuq mar 6 frames…

Snooker

Shaun Murphy tilef 9 frames għal 8 kontra Mark Allen fil-kwarti tal-finali tat-Tour Championship li qed isir f’Milton Keynes. Iżda l-aktar impressjonanti kien il-fatt li minkejja t-telfa, Murphy irnexxielu jagħmel…

Snooker

L-Isnooker fl-Ingilterra se jirritorna fl-1 ta’ Ġunju bl-avveniment Champions League 2020 li se jsir fil-Marshall Arena f’Milton Keynes. It-Tournament mistenni jkollu l-parteċipazzjoni ta’ 64 player inkluż iċ-Champion tad-Dinja Judd Trump….

Aktar