Futbol lokali
Spanja jaslu f’Malta t-Tnejn li ġej…Luis Enrique bl-aħjar skwadra possibbli li tinkludi lil De Gea, Sergio Ramos u Morata

It-tim nazzjonali tal-futbol ta’ Spanja jasal f’Malta it-Tnejn li ġej fil-12.15pm. L-Ispanjoli se jiġu f’titjira diretta minn Valencia wara l-partita kontra n-Norveġja mill-istess grupp.

Il-gruppi ta’ kwalifikazzjoni Ewropej tas-sajf tas-sena d-dieħla jibdew fi tmiem din il-ġimgħa b’kull nazzjon jilgħab l-ewwel żewġ partiti.

Spanja se jilagħbu l-ewwel partita tagħhom kontra n-Norveġja s-Sibt filgħaxija u jagħmlu jumejn ta’ taħriġ ħafif qabel jiġu f’Malta.

Spanja jkollhom sessjoni ta’ taħriġ fl-istadium nazzjonali f’Ta’ Qali, it-Tnejn, fis-7.00pm.

Il-kontinġent kollu Spanjol jitlaq lura immedjatament wara l-partita tat-Tlieta bit-titjira lejn Madrid tkun l-Erbgħa kmieni filgħodu fis-1.30am.

Malta tilgħab kontra l-Gżejjer Faroe s-Sibt li ġej u kontra Spanja t-Tlieta li ġej.

Iż-żewġ partiti jintlagħbu fl-Istadium Nazzjonali f’Ta’ Qali u jixxandru dirett fuq TVM2.

It-23 plejer Spanjol li sejjaħ il-kowċ Luis Enrique għal dawn iż-żewġ partiti huma dawn:

Gowlkipers: David De Gea (Manchester United), Kepa Arrizabalaga (Chelsea), Pau Sabata (Real Betis)

Difensuri: Mario Hermoso (Espanyol), Jose’ Luis Gaya (Valencia), Sergi Gomez (Sevilla), Sergio Ramos (Real Madrid), Jesus Navas (Sevilla), Jordi Alba (Barcelona), Inigo Martinez (Athletic Club), Juan Bernat (PSG)

Midfielders: Dani Parejo (Valencia), Sergi Roberto (Barcelona), Sergio Canales (Real Betis), Dani Ceballos (Real Madrid), Sergio Busquests (Barcelona), Saul Niguez (Atletico Madrid), Rodri Hernandez (Atletico Madrid)

Attakkanti: Rodrigo Machado (Valencia), Jaime Mata (Getafe), Iker Muniain (Athletic Club), Alvaro Morata (Atletico Madrid), Marco Asensio (Real Madrid)

Miktub minn...
TVM Sport
Aħbarijiet Oħra
Futbol lokali

Birkirkara għandhom ċans tajjeb li fil-jiem li ġejjin jiffirmaw magħhom lil-leġġenda mill-Brażil, Ronaldinho. TVM Sport jinsab infurmat li l-klabb Malti qiegħed f’kuntatt kontinwu mal-aġent tal-plejer u ma’ persuni oħra viċin…

Futbol internazzjonali

Atlético Madrid ħabbru akkwist ieħor matul dan is-suq tat-trasferimenti. Id-difensur laterali ta’ Tottenham Hotspur, Kieran Trippier, ingħaqad mat-tim Spanjol għas-somma ta’ €22 miljun. Il-plejer ta’ 28 sena telaq minn Londra…

Futbol lokali

Dr Chris Bonett u Bjorn Vassallo, iż-żewġ kontestanti għall-kariga ta’ President tal-Malta Football Association, illejla se jkunu flimkien fi programm speċjali li jixxandar fuq TVM2 mid-21.00 ‘il quddiem. Bonett u…

Futbol internazzjonali

Il-captain t’Ajax, Matthijs de Ligt, it-Tlieta filgħaxija wasal Turin sabiex jagħmel it-test mediku qabel jiffirma ma’ Juventus għas-somma ta’ €75 miljun. Iż-żagħżugħ ta’ 19-il sena li wassal lil Ajax sas-semifinali…

Aktar