St.Andrews – “ottimisti li nilħqu l-miri tagħna u nżommu postna fil-Premier”

St.Andrews ippreżentaw il-barranin il-ġodda, u li qed ikunu utli fl-isfida ta’ dan il-klabb li jżomm postu mal-kbar.

Fosthom il-Korean Bong Won Che, in-Niġerjan Lucky Victor Oseghale, l-Ispanjoli Jonatan Perez Cuesta u Enmy Manuel Pena Beltre, ir-Rumen Sorin Oproiescu, u l-player mill-Guinea Eloy Edu Nkene, dan tal-aħħar li fl-aħħar jiem kellu jħalli Malta ta’ malajr minħabba traġedja fil-familja, wara l-mewt ta’ ħuħ ta’ disa snin f’inċident tat-traffiku fi Spanja.

Id-Direttur Tekniku ta’ Talent 11 – St Andrews Dennis Guerra qal li issa l-klabb tgħallem mill-iżbalji tal-ewwel parti tal-istaġun, u bil-bidliet li saru f’Jannar hemm ottimiżmu li St.Andrews iżommu posthom mal-kbar.

Guerra semma ukoll li ż-żagħżugħ laterali Jordan Williams ingħata r-release, ikkonferma t-tluq ta’ Matteo Desira Buttigieg ma’ Birkirkara fi tmiem l-istaġun, waqt li fil-ġimgħat li ġejjin il-klabb se jkun qed ipoġġi madwar mejda mal-captain Joseph Farrugia bil-għan li dan il-player, meqjus bħala pilastru f’dan it-team, jiġi offrut kuntratt ġdid.

Tkellmu ukoll is-segretarju ġdid tal-klabb Chris Vassallo li ħa l-kariga wara l-mewt tal-mibki David Bianchi, Vassallo fakkar li apparti l-isfida fil-kampjonat, St.Andrews għadhom ukoll fil-kwartifinali tal-FA Trophy.

Il-kowċ Jose Borg ukoll esprima t-tama li l-iskwadra hija iktar kompettitiva għall-isfidi li ġejjin fit-Tielet Round, speċjalment għall-konfronti diretti fin-naħa t’isfel tal-klassifika kontra Qormi u Naxxar Lions, biex it-team jilħaq il-mira tiegħu tal-Play Off kontra t-tielet team fl-Ewwel Diviżjoni, liema partita issa sar magħruf li ser tintlgħab nhar il-ġimgħa 6 ta’ Mejju li ġej fil-Hibernians Stadium.

Sadanittant St.Andrews ippreżentaw ukoll sponsor ġdid – il-kumpanija tal-loghob Evolution Gaming se tkun qed tgħin lil dan il-klabb fid-determinazzjoni tiegħu li jżomm postu mal-kbar.

Kelliem għal kumpanija qal li l-integrita, l-eċċelenza u l-valuri li jħaddan il-klabb ta’ St.Andrews huma konformi mal-prinċipji ta’ din il-kumpanija, u kien għalhekk li aċċettaw li jidħlu għal din il-kollaborazzjoni.

Miktub minn...
Rodney Vassallo
Aħbarijiet Oħra
Futbol lokali

KAMPJONAT BOV PREMIER 2018/19 GZIRA UTD……..1 B’KARA FC………1 Għal din il-partita l-Maroons kienu taħt it-tmexxija tal-kowċ Jesmond Zerafa li f’dawn l-aħħar ġranet ħa post Darren Abdilla, filwaqt li Naumovski reġa’…

Futbol lokali

KAMPJONAT BOV PREMIER 2018/19 Pieta …..……….0 Balzan.…………3 Fit-tmintax –il ġurnata tal-kampjonat Premier Balzan kisbu tlett punti mportanti wara li għelbu lil Pieta bl-iscore ta’ 3-0 u hija l-ewwel rebħa taħt…

Futbol lokali

MAFA 2018/19 Żurrieq Sunrise saħħew posthom f’ras il-klassifika tat-tieni diviżjoni tal-MAFA meta f’konfront dirett huma għelbu lil Balzan Youths bl-iskor ta’ 2-1. Kienet ġurnata fejn is-Sunrise ġiehom kollox tajjeb minħabba…

Futbol lokali

KAMPJONAT BOV PREMIER 2018/19 FLORIANA……0 QORMI………..1 Ikompli l-mument negattiv ta’ Floriana, telfa mal-Qriema, b’gowl uniku t’Antonio Rozzi fl-ewwel taqsima. Qormi li qasmu l-logħob ma’ Floriana fl-ewwel taqsima, pero fit-tieni taqsima,…

Aktar