Futbol lokali
Stefan Sultana u David Camilleri lura ma’ Hamrun Spartans bħala assistant kowċ u team manager

L-ex plejers ta’ Hamrun Spartans Stefan Sultana u David Camilleri se jkunu l-assistant kowċ u t-team manager tal-iskwadra, rispettivament.

Il-ftehim bejn l-ex żewġ plejers tas-Snin ’80 u ‘90 ta’ Hamrun Spartans u l-imprenditur Joseph Portelli, intlaħaq fl-aħħar sigħat, bit-tnejn li huma li għoġobhom il-proġett il-ġdid tal-klabb.

Sultana hu l-aqwa skorer ta’ kull żmien tal-futbol Malti u dejjem baqa’ viċin il-klabb u jaħdem fis-settur tan-nursery. Hu kien diġà assistant kowċ tal-Ispartans, fl-istaġun 2018/19, taħt il-kowċ Giovanni Tedesco.

David Camilleri hu wkoll ex plejer ta’ ċertu importanza għall-Ħamruniżi. TVMSport jinsab infurmat li Camilleri ġie offrut din il-kariga minn Portelli, liema kariga aċċetta li jimla.

Sorsi ta’ TVMSport ikkonfermaw li Camilleri diġà tkellem mal-President tal-MFA Bjorn Vassallo u nfurmah li ma kienx se jibda fil-kariga ta’ team manager tat-tim nazzjonali Malti ta’ taħt il-21 sena, li nħatar fiha ftit tax-xhur ilu.

Il-proġett ta’ Portelli għal Hamrun Spartans qed jinteressa lil ħafna, tant li fl-aħħar jiem, diversi plejers ta’ stoffa u kalibru wrew l-interess li jilagħbu bil-flokk aħmar u iswed.

Juan Carlos Corbolan, il-plejer nazzjonali ta’ 23 sena hu xi ħaġa ċerta ta’ Hamrun Spartans. Fl-aħħar sigħat intlaħaq ftehim verbali bejn Portelli u Sharlon Pace, President ta’ Gżira Utd, li se jkun qed iġib fil-Ħamrun lil iben Miguel, plejer tal-ispartans tas-Snin ’80.

Plejer ieħor li jinsab viċin ħafna hu l-attakkant Niġerjan – Malti, Ige Adeshina ta’ Sirens li mistenni jingħaqad ma’ Hamrun il-ġimgħa d-dieħla.

Miktub minn...
TVM Sport
Aħbarijiet Oħra
Futbol lokali

TVMSport se jxandar dirett iċ-ċelebrazzjonijiet li se jsiru għada Fuq il-Fosos mill-club ta’ Floriana għar-rebħ tal-kampjonat BOV Premier. Iċ-champions għal dan l-istaġun se jiġu ppreżentati bit-Tazza tal-Kampjonat f’ċeremonja taħt il-monument…

Futbol lokali

Robert Micallef inħatar President ta’ Santa Lucia, il-klabb tal-Kampjonat BOV Premier. Micallef se jkun qed jibdel lil Martin Agius, li kien il-President li taħt it-tmexxija tiegħu, it-tim ġie promoss għall-ogħla…

Futbol lokali

Iż-żgħażugħ ta’ 26 sena Daniel Zerafa laħaq ftehim ma’ Tarxien Rainbows biex għall-staġun ieħor jerġa jifforma parti mill-iskwadra. Fil-karriera tiegħu, apparti ma’ Tarxien Rainbows huwa lagħab ma’ Birkirkara u Hamrun…

Futbol lokali

Gżira United ħabru żewġ akkwisti oħra fl-aħħar sigħat bil-plejers li se jkunu parti importanti mill-iskwadra tagħhom għal staġun ieħor. Ricardo Correa reġa’ ngħaqad mal-Maroons u ffirma kuntratt ta’ tliet snin…

Aktar