Futbol internazzjonali
Super Cup Spanjola: Finali bejn il-Madrileni wara li Atlético jaħsdu lil Barcelona

Super Cup Spanjola – Semifinali
Barcelona 2   Atlético Madrid 3

Atlético Madrid ħasdu lil Barcelona b’żewġ gowls fl-aħħar għaxar minuti biex għaddew għall-finali tas-Super Cup Spanjola u issa jilagħbu kontra Real Madrid. Il-gowls kollha kienu skurjati fit-tieni taqsima, u kienu Atlético li marru l-ewwel fil-vantaġġ eżatt mal-ftuħ tat-tieni taqsima meta Angel Correa qassam lejn Koke li kkonkluda fix-xibka għal 1-0. Atlético ma tantx damu jgawdu l-vantaġġ għaliex ħames minuti wara Lionel Messi għamel l-iskor indaqs, 1-1. L-istess Messi reġa’ niżżel ismu fuq il-lista tal-iskorers meta mas-siegħa logħob venven xutt li għeleb lill-goalkeeper avversarju u poġġa lil Barcelona 2-1 minn fuq. Fl-74 minuta l-Katalani ħasbu li għamluhom 3-1 meta Pique tefa’ fix-xibka imma l-gowl kien imħassar b’deċiżjoni tal-VAR. Fil-81 minuta Atlético ngħataw penalty wara li Neto waqqa’ avversarju fil-kaxxa u mill-11-il metru Alvaro Morata ma żbaljax u għamilhom 2-2. Fis-86 minuta Atlético taw id-daqqa mortali lil Barcelona meta Angel Correa skorja t-tielet biex ta rebħa lit-tim minn Madrid u qata’ passaġġ għall-finali biex issa jilagħbu kontra t-tim l-ieħor mill-istess belt, Real.

Il-finali tas-Super Cup Spanjola ser tintlagħab nhar il-Ħadd li ġej u tibda fis-19:00 (ħin ta’ Malta).

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Atalanta – PSG Fl-ewwel kwartifinali tal-UEFA Champions League, Atalanta ser jilagħbu kontra PSG f’eliminazzjoni diretta. Il-logħba ser tintlagħab fl-Estadio da Luz, f’Lisbona, il-Portugall. Atalanta deħlin għal dan il-konfront wara erba’…

Futbol internazzjonali

Shakhtar Donetsk tal-Ukrajna u Sevilla ta’ Spanja għamluha għas-semifinali tal-UEFA Europa League ta’ dan l-istaġun meta fil-kwarti tal-finali għelbu lil Basel tal-Iżvizzera u lil Wolves tal-Ingilterra, rispettivament. Shakhtar Donetsk rebħu…

Futbol internazzjonali

Villarreal iffirmaw lill-plejer Ġappuniż Takefusa Kubo b’self mingħand Real Madrid għall-istaġun li ġej. L-aħbar ikkonfermaha l-klabb stess. Kubo, ta’ 19-il sena, kellu wirjiet impressjonanti fil-bidu tal-istaġun li għadda ma’ Real…

Futbol internazzjonali

Il-winger ta’ Borussia Dortmund Jadon Sancho jinsab mal-iskwadra li marret fl-Iżvizzera għal training camp ta’ qabel ma jibda l-istaġun, bil-klabb li qal li l-plejer se jkun qed jibqa’ magħhom għax…

Aktar