Futbol internazzjonali
Suq tat-Trasferimenti: Borussia Dortmund ma jaħlux ħin biex jibdew isaħħu l-iskwadra għall-istaġun li ġej

Wara t-tmiem tal-Bundesliga fejn Borussia Dortmund spiċċaw fit-tieni post tal-klassifika, huma ma ħlewx ħin sabiex jibdew isaħħu l-iskwadra għall-istaġun li ġej għaliex fi ftit sigħat ħabbru tliet trasferimenti.

L-ewwel trasferiment kien tad-difensur laterali Nico Shulz mingħand Hoffenheim, u ftit sigħat wara ħabbru li kienu ffirmaw lill-plejer ta’ 26 sena Thorgan Hazard mingħand Borussia Moenchengladbach. Hazard iffirma kuntratt ta’ 5 snin, sal-2024, u matul dan l-istaġun skorja 13-il gowl u provda 12-il assist f’35 logħba li lagħab ma’ Moenchengladbach.

Fl-aħħar sigħat Borussia Dortmund ħabbru t-tielet trasferiment, Julian Brandt mingħand Bayer Leverkusen. B’hekk Dortmund komplew isaħħu l-attakk b’dan il-plejer li lagħab 23 bil-flokk nazzjonali tal-Ġermanja. Brandt kien qiegħed jinteressa wkoll lil xi timijiet mill-Premier Ingliż, imma fl-aħħar għażel lil Dortmund għaliex xtaq jibqa’ jilgħab il-Ġermanja.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Kampjonat Premier Ingliż 2019/20 Riżultati tal-Ħadd AFC Bournemouth 1 – 3 Manchester City Tottenham Hotspur 0 – 1 Newcastle United Wolverhampton Wanderers 1 – 1 Burnley

Futbol internazzjonali

Mis-Serie A l-bieraħ filgħaxija wara li Juventus rebħu 1-0 kontra Parma, aktar tard daħlu fl-azzjoni Fiorentina u Napoli rebħa hawn ta’ 4-3 għal Napoli. Il-Viola fil-vantaġġ minn penalty ta’ Erick…

Futbol internazzjonali

Bundesliga, fost il-logħbiet tal-bieraħ mit-tieni ġurnata tispikka r-rebħa ta’ 3-0 ta’ Bayern Munich barra minn darhom għand Shalke fil-VELTINS-Arena. Il-protagonista għal Bayern Munich f’dan il-konfront kien Robert Levandovski li skorja…

Aktar