Futbol internazzjonali
Suq tat-Trasferimenti: Davide Zappacosta viċin li jsieħeb lil Roma

Roma mistennija jiffirmaw lid-difensur laterali Davide Zappacosta fis-sigħat li ġejjin. Dan wara li l-istess klabb, permezz tal-paġna ta’ Twitter, tella’ ritratti fejn indika li Zappacosta jinsab f’Ruma. Il-plejer Taljan ingħaqad ma’ Chelsea fl-2017 mingħand Torino u lagħab 52 darba mat-tim minn Londra. Skorja darbtejn u provda 4 assists mat-tim minn Stamford Bridge.

Biss l-aħħar sentejn ma kenux faċli għal Zappacosta biex isib postu regolari fl-iskwadra minħabba Cesar Azpilicueta li ħafna drabi kien ikun l-għażla favorita tal-manager. U għalkemm matul dan is-sajf inbidel il-manager ta’ Chelsea, Zappacosta xorta waħda kien jaf li se jsibha diffiċli li jilgħab, meta issa hemm ukoll iż-żagħżugħ Reece James li jilgħab fl-istess pożizzjoni. Zappacosta qiegħed jittama li permezz tat-trasferiment ma’ Roma, jekk kemm-il darba jgħaddi mit-test mediku, iservih bħala ċans tajjeb biex jagħmilha għal mat-tim Taljan għall-kompetizzjoni tal-EURO 2020.

Roma jridu jiffirmaw lil Zappacosta fis-sigħat li ġejjin jekk kemm-il darba jridu li jkun eliġibbli biex jilgħab. Il-Giallorossi kienu attivi matul dan is-suq tat-trasferimenti fejn diġa’ ffirmaw lil Leonardo Spinazzola, Amadou Diawara, Pau Lopez u Mert Celtin. Roma jibdew l-ewwel logħba fis-Serie A għal dan l-istaġun kontra Genoa l-Ħadd li ġej.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

L-attakkant ta’ Porto Moussa Marega ħalla l-grawnd bi protesta wara korijiet razzisti fil-konfront tiegħu waqt il-logħba bejn Vitoria Guimaraes u Porto. L-attakkant ta’ 28 sena mill-Mali rnexxilu jiskorja t-tieni gowl…

Futbol internazzjonali

Tħabbret il-mewt ta’ Herry Gregg, l-ex gowlkiper Irlandiż ta’ Manchester United. Gregg baqa’ jissemma bħala wieħed mill-eroj tat-traġedja tal-ajru ta’ Munich li fiha kien involut it-tim ta’ Manchester United, lura…

Futbol internazzjonali

Manchester City ġew sospizi sentejn milli jikkompetu fil-kompetizzjonijiet Ewropej, UEFA Champions League u UEFA Europa League, għal ksur serju fir-regoli tal-financial fair play. Apparti din is-sospensjoni li tista tiġi appellata,…

Futbol internazzjonali

Tard ilbieraħ filgħaxija, il-President ta’ Juventus Andrea Agnelli u d-Direttur Ġenerali Fabio Paratici, sejħu lill-kowċ Maurizio Sarri biex miegħu jiddiskutu l-futur ta’ Juventus għal kumplament tal-istaġun. Jidher li din il-laqgħa…

Aktar