Futbol internazzjonali
Suq tat-Trasferimenti: Gonzalo Higuain jingħaqad maċ-Chelsea b’self mingħand Juventus

Gonzalo Higuain huwa uffiċjalment plejer ta’ Chelsea wara li lbieraħ filgħaxija sar it-trasferiment tiegħu b’self mingħand it-tim ta’ Juventus sa tmiem l-istaġun. L-Arġentin ta’ 31 sena kellu l-ewwel nofs tal-istaġun pjuttost diffiċli meta ngħaqad b’self mat-tim ta’ Milan, imma donnu qatt ma seta’ jaqbad u qatt ma’ kiseb il-forma li kellu ma’ Juventus. Fil-fatt, fi 22 logħba, Higuain skorja 8 gowls u anke tkeċċa Il-maniġer ta’ Chelsea, Maurizio Sarri, kien qiegħed jinnota dan kollu u daħal għal dan il-plejer sabiex jieħdu b’self miegħu, biċ-ċans li jixtrih permanenti għas-somma ta’ €36 miljun fi tmiem l-istaġun. Chelsea għandhom ukoll iċ-ċans li minflok jixtru l-plejer jistgħu jerġgħu jissellfuh għal staġun ieħor għas-somma ta’ €18-il miljun.

Il-maniġer Sarri qiegħed jittama li maċ-Chelsea, Higuain jerġa’ jikseb il-forma li kellu quddiem il-lasti mat-tim ta’ Juventus u dan minħabba li t-tim ta’ Stamford Bridge bħalissa għandhom problema ta’ gowls. Sarri qal li jemmen li Higuain jista’ jerġa’ jikseb il-forma tiegħu, għaliex fl-ewwel nofs tal-istaġun ma’ Milan, huwa xorta rnexxielu jiskorja 8 gowls avolja l-livell tat-tim ma kienx l-istess bħal dak ta’ Juventus.

It-trasferiment t’Higuain wasal tard wisq sabiex ikun jista’ jilgħab fis-semifinali tal-EFL Cup kontra Tottenham Hotspur illejla.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Marcelo Brozovic, il-plejer Kroat ta’ Inter, kellu l-liċenzja tas-sewqan irtirata wara baqa’ għaddej minn fuq it-traffic lights meta kienu mixgħula fuq l-aħmar. L-aħbar ħarġet fil-media Taljana. Brozovic twaqqaf mill-Pulizija fiż-żona…

Futbol internazzjonali

Il-partitarji Spanjoli fakru l-10 anniversarji mir-rebħ tat-Tazza tad-Dinja fl-2010 fl-Afrika t’Isfel bi stiel differenti mis-soltu, b’ħafna tatoss ma’ ġisimhom u lebsien maskri protettivi kontra l-coronavirus. It-Tazza tad-Dinja li nħarġet għall-wiri…

Futbol lokali

Il-plejer internazzjonali ta’ Malta tat-tim tan-nisa Emma Louise Lipman ingħaqdet mal-klabb Taljan ta’ Lazio. Lipman iffirmat kuntratt ta’ sena, b’opzjoni li jiġġġedded. Lipman twieldet fl-Ingilterra iżda għanda dixxendenza Maltija u…

Futbol internazzjonali

Norwich City saru l-ewwel tim tal-Premier League Ingliż li ġie relegat wara li lbieraħ tilfu f’darhom kontra West Ham bi skor ta’ 4-0. Il-gowls tal-Hammers waslu kollha minn Michail Antonio….

Aktar