Futbol internazzjonali
Suq tat-Trasferimenti: Kevin-Prince Boateng jingħaqad b’self ma’ Barcelona

It-tim ta’ Barcelona ħabbru li ffirmaw lil Kevin-Prince Boateng mingħand it-tim ta’ Sassuolo. Għalissa t-tim Katalan ħa lill-plejer Boateng b’self sa tmiem l-istaġun, imma jistgħu jagħmlu t-trasferiment permanenti għal €8 miljuni.

Kien fatt magħruf li Barcelona kienu qegħdin ifitxxu attakkant, u dan sabiex ikollhom plejers addizzjonali għall-attakkant Luis Suarez. Iż-żagħażugħ Munir El Haddadi telaq lil Barcelona biex jingħaqad ma’ Sevilla wara li m’aċċettax il-kuntratt il-ġdid offrut mill-klabb, filwaqt li l-Katalani ma rnexxilhomx jiffirmaw la lil Cristhian Stuani ta’ Girona u lanqas lil Carlos Vela ta’ Los Angeles FC.

Matul il-ġurnata tat-Tnejn, kmieni filgħodu bdew ħerġin aħbarijiet fil-media Spanjola li Barcelona huma interessati f’Kevin-Prince Boateng, l-attakkant ta’ Sassuolo li s’issa skorja 4 gowls fil-11-il logħba li beda. Qabel ingħaqad ma’ Sassuolo, Boateng kien jilgħab f’La Liga mat-tim ta’ Las Palmas meta skorja 10 gowls fi 28 logħba.

Kevin-Prince Boateng ser ikun żvelat lill-media f’konferenza tal-aħbarijiet aktar tard illum waranofsinhar.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

GRUPP B Paragwaj 2 Qatar 2 Il-Qatar kellhom jiġu minn żewġ gowls minn taħt biex ħadu punt kontra l-Paragwaj fl-ewwel logħba minn Grupp B. Il-Paragwaj fetħu l-iskor kmieni fil-logħba, meta…

Futbol internazzjonali

L-Internazzjoanli Franċiż Paul Pogba ħasad lil kulħadd dalgħodu hekk kif ħarġet intervista li fiha hu qal li jixtieq esperejnza ġdida fil-karriera tiegħu fejn ta’ x’wieħed jifhem li mhux se jkompli…

Futbol internazzjonali

Wara ġimgħat u jiem ta’ spekulazzjoni l-aħbar li Maurizio Sarri se jitlaq lil Chelsea sabiex imexxi lil Juventus kienet ikkonfermata mill-Club ta’ Londra stess. Sarri kien iffirma kuntratt ta’ tliet…

Futbol internazzjonali

FINALI TAZZA TAD-DINJA U20 Ukrajna………..3 Korea t’Isfel….1 L-Ukrajna huma r-rebbieħa tat-Tazza tad-Dinja ta’ taħt l-20 sena meta fil-finali li ntlagħbet fi Stadio Mijeski huma għelbu lill-Korea t’Isfel bl-iskor ta’ 3-1….

Aktar