Futbol internazzjonali
Suq tat-Trasferimenti: Manchester United interessati f’Wan-Bissaka ta’ Crystal Palace

Il-manager ta’ Manchester United Ole Gunnar Solskjaer huwa determinat li jieħu lid-difensur Aaron Wan-Bissaka ta’ Crystal Palace f’Old Trafford. Għalkemm il-Palace m’aċċettawx l-ewwel offerta tal-United ta’ €45 miljun, jidher li d-diriġenti tar-Red Devils qegħdin jippreparaw somma aħjar sabiex jieħdu lill-plejer internazzjonali Ingliż tal-U21.

Crystal Palace qegħdin jitolbu s-somma ta’ madwar €70 miljun għal dan il-plejer żagħżugħ, u Solskajer qiegħed jittama li l-bord jilqa’ t-talba tiegħu għax skontu l-valur tal-plejer se jisplodi fl-istaġun li ġej. Wan-Bissaka lagħab l-ewwel darba mal-Palace s-sena li għaddiet u minn hemm spiċċa mhux biss wieħed mill-ewwel plejers fil-lista tal-ħdax li jibdew il-logħba, imma anke rebaħ l-unur tal-aqwa plejer tal-Eagles għal dan l-istaġun. Barra minn hekk, huwa rebaħ ukoll il-Plejer tax-Xahar fi 3 xhur konsekuttivi bejn Awwissu u Ottubru, u reġa’ rebaħ l-unur mogħti mill-klabb f’Marzu li għadda.

Ole Gunnar Solskjaer mhuwiex biss interessat f’Wan-Bissaka, imma qiegħed jittama li jieħu f’Old Trafford lil Thomas Meunier ta’ Paris Saint-Germain, kif ukoll jinsab interessat fid-difensur ta’ Leicester City, Harry Maguire. Biss, għalkemm in-Norveġiż irid jissoda lid-difiża qabel l-istaġun li ġej, jidher li Manchester United mhumiex lesti jħallsu s-somma ta’ €100 miljun li Leicester qegħdin jitolbu għal Maguire.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Meta Juventus għadhom lanqas biss ippreżentaw lil Maurizio Sarri bħala l-kowċ il-ġdid lill-media, it-Taljan jidher li diġa’ wera’ x-xewqa tiegħu mad-diriġenti dwar liema plejers jixtieq li jingħaqdu miegħu fil-ġimgħat li…

Futbol internazzjonali

GRUPP B Paragwaj 2 Qatar 2 Il-Qatar kellhom jiġu minn żewġ gowls minn taħt biex ħadu punt kontra l-Paragwaj fl-ewwel logħba minn Grupp B. Il-Paragwaj fetħu l-iskor kmieni fil-logħba, meta…

Futbol internazzjonali

L-Internazzjoanli Franċiż Paul Pogba ħasad lil kulħadd dalgħodu hekk kif ħarġet intervista li fiha hu qal li jixtieq esperejnza ġdida fil-karriera tiegħu fejn ta’ x’wieħed jifhem li mhux se jkompli…

Futbol internazzjonali

Wara ġimgħat u jiem ta’ spekulazzjoni l-aħbar li Maurizio Sarri se jitlaq lil Chelsea sabiex imexxi lil Juventus kienet ikkonfermata mill-Club ta’ Londra stess. Sarri kien iffirma kuntratt ta’ tliet…

Aktar