Local Sports
Table Football – Massimo Cremona huwa ċ-Champion ta’ Malta

Table Football – Massimo Cremona huwa ċ-Champion ta’ Malta wara staġun ieħor organizzat mill-Malta Table Football Sports Association.

Fid-diviżjoni Premier kien hemm taqtiegħa bejn Massimo Cremona u Samuel Bartolo, tant li spiċċaw il- kampjonat b’punti ndaqs iżda, Massimo Cremona sar ċampjin b’differenza ta’ gowls.

Il-Kampjonat tal-Ewwel Diviżjoni kien dominat minn Mario Camilleri, li rebaħ il-logħob kollha. B’hekk Mario ġie promoss għad-diviżjoni Premier. Miegħu ġew promossi wkoll Jean Tabone u John Zammit li ġew fit-tieni u t-tielet post rispettivament.

Il-Maltin issa jippreparaw għat-Tazza tad-Dinja, li ser issir f’Ġibilta’ fl-ewwel tmiem il-ġimgħa ta’ Settembru. Il-plejers li kkwalifikaw biex jirrappreżentaw lil Malta huma Derek Conti, Samuel Bartolo, Massimo Cremona, Jurgen Balzan, Charlie Aquilina, John Żammit, Joseph Mifsud, Mario Camilleri u Jason Pisani.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Local Sports

Illum tnediet it-tieni edizzjoni tal-Youth Development Scheme minn SportMalta f’kollaborazzjoni mal-Bank of Valletta. Din l-iskema hi mmirata lejn atleti ta’ taħt it-18-il sena u tgħinhom biex ikomplu l-karriera sportiva tagħhom…

Local Sports

Il-Media Sportiva llum qed tiċċelebra l-Jum Dinji dedikat għall-ġurnaliżmu sportiv. L-AIPS li hi l-Assoċjazzjoni Internazzjonali tal-Media tal-Isport tagħti importanza kbira lil dan il-Jum fejn tfakkar lil dawk il-ġurnalisti kollha li…

Aktar