Local Sports
Table Football: Plejers ta’ Valletta Subbuteo Club jieħdu sehem fl-FISTF Major tal-Italja

Fi tmiem il-ġimgħa, fis-7 u t-8 ta’ Ottubru ġie organizzat l-FISTF Major tal-Italja f’San Benedetto del Tronto.  Għal dan it-tournament internazzjonali, kienu preżenti plejers Maltin u tat-tim Malti, Valletta Subbuteo Club.

Fil-kategorija tal-Open li saret is-Sibt, kien hemm erba’ plejers Maltin li ħadu sehem, fosthom Angelo Borg, Derek Conti, Massimo Cremona u Rodrick Vassallo u li kollha għaddew mill-grupp tagħhom. Angelo Borg ġie eliminat fl-aħħar 16 kontra Luca Battista bl-iskor ta 3-2. Derek Conti ġie eliminat fil-kwarti finali kontra Luca Battista bl-iskor ta 2-1. Massimo Cremona ġie eliminat mal-aħħar 16 kontra Andrea di Vincenzo bl-iskor 2-1 li nqala’ bil-barrage kontra Luigi Di Vito bl-iskor ta’ 2-1. It-Taljan Luca Colangelo rebaħ din il-kategorija.

Fil-kategorija tal-Veterani, Malta kienet rappreżentata minn 2 plejers Maltin, Mario Camilleri u Jason Pisani. Dawn għaddew mill-grupp. Mario Camilleri baqa’ tiela sas-semi-finali u ġie eliminat fis-semi-finali kontra Raffaele Allocca bl-iskor ta’ 1-0 bis-Sudden Death (ħin miżjud). Jason Pisani ġie eliminat fil-kwarti tal-finali kontra Carlo Alessi 1-0. L-istess Carlo Alessi rebaħ din il-kategorija.

Il-Ħadd lagħbu t-timijiet. Kien hemm tim wieħed minn Malta, il-Valletta Subbuteo Club. It-tim kien magħmul minn Derek Conti, Mario Camilleri, Rodrick Vassallo u l-aħħar akkwist tat-tim, il-plejer Belġjan Pascal Scheen. Valletta Subbuteo Club għaddew l-ewwel mill-grupp u baqgħu telgħin sal-kwarti tal-finali fejn ġew megħluba mit-tim ta’ Napoli Fighters 2-1. Angelo Borg, Massimo Cremona u Jason Pisani kienu qed jilagħbu mat-timijiet tagħhom Taljani.  It-tim Fiamme Azzurre Roma rebaħ din il-kategorija.

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Local Sports

Illum tnediet it-tieni edizzjoni tal-Youth Development Scheme minn SportMalta f’kollaborazzjoni mal-Bank of Valletta. Din l-iskema hi mmirata lejn atleti ta’ taħt it-18-il sena u tgħinhom biex ikomplu l-karriera sportiva tagħhom…

Aktar