Futbol internazzjonali
Tazza tad-Dinja 2018 – Belġju jegħlbu lill-Ingliżi u jirbħu l-Play Off għat-tielet post

Play Off għat-Tielet post
Belġju ………… 2
Ingilterra ……. 0
Belġju rebħu l-Play Off għat-tielet post meta b’goal f’kull taqsima għelbu lill-Ingilterra 2-0.

Iż-żewġ semifinalisti telliefa iltaqgħu f’Saint Petersburg f’din il-finali bi ftit jew xejn interess, żvolħiet f’partita sabiħa bil-ballun tiela’ u niżel u l-Belġjani kkastigaw bil-goal li għalaq il-logħba fl-aħjar ħin għall-Ingliżi lejn tmiem il-konfront.

Diversi bidliet minn Gareth Southgate fil-formazzjoni Ngliża hekk kif inkluda fl-ewwel ħdax players bħal Phil Jones, Danny Rose u Fabian Delph.

Belġju fil-vantaġġ wara biss erba’ minuti meta minn fuq ix-xellug Nacer Chadli xeħet kross, daħal bħal vleġġa l-midfielder ta’ Paris St. Germain Thomas Meunier li minn żewġ passi għeleb lill-goalkeeper Ingliż Jordan Pickford.

Fil-ħmistax-il minuta reazzjoni Ngliża bi kross minn fuq il-lemin ta’ Kieran Trippier, bir-ras Ruben Loftus-Cheek impenja lill-goalkeeper Belġjan li salva mingħajr diffikulta.

Ħamsa u għoxrin minuta reazzjoni Ngliża meta xutt ta’ Harry Kane għadda ftit barra mill-lasti tal-goalkeeper Thibaut Courtois.

Ħamsa u ħamsin minuta kross shot ta’ Jesse Lingard, iżda ballun b’saħħtu wisq għal Harry Kane li wasal tard.

Sebgħin minuta l-aħjar ċans għall-Ingilterra li jġibu l-goal tad-draw meta f’azzjoni veloċi, ballun għand Eric Dier li kkonkluda għal ġewwa, iżda sieħbu ta’ Tottenham Toby Alderweireld qala l-ballun minn fuq il-linja biex evita goal ċert.

Tliet minuti wara reġa kien Lingard li ta lejn Dier, din id-darba konklużjoni bir-ras tgħaddi ftit barra.

Tmenin minuta azzjoni brillanti f’kontrattakk tal-Belġju, one touch football fl-aqwatieghu, finalment kordinazzjoni perfetta min-naħa ta’ Thomas Meunier, li iżda din id-darba ħareġ l-aħjar tal-goalkeeper ta’ Everton Jordan Pickford.

Belġju għalqu l-logħba bit-tieni goal fit-tnejn u tmenin minuta meta Kevin De Bruyne ta lejn Eden Hazard li b’konklużjoni ċentrali għamel l-iskor finali f’Saint Petersburg f’din il-Play Off għat-Tielet post, Belġju tnejn, Ingilterra xejn.

Miktub minn...
Rodney Vassallo
Aħbarijiet Oħra
Futbol internazzjonali

Fil-partiti li ntlagħbu fid-21.00 tal-lejla, Manchester United għalbu f’darhom lil Club Brugge bi skor ta’ 5-0 u kwalifikaw għar-rawnd li jmiss. Fernandes jiftaħ l-iskor għar-Red Devils u Ighalo rduppja fl-34…

Futbol internazzjonali

Bayern Leverkusen kwalifikati wara li rebħu wkoll fil-Portugall kontra Porto bi skor ta’ 3-1. Alario fetaħ l-iskor għal Bayern wara 10 minuti logħob. Demirbay irdoppja fil-50 minuta. Havertz għamilhom fis-57…

Futbol internazzjonali

David Beckham ammetta li Lionel Messi u Cristiano Ronaldo huma fil-mira tal-klabb tiegħu Inter-Miami hekk kif fi tmiem il-ġimgħa jibda l-kampjonat tal-futbol fil-pajjiż. Seba’ snin wara li kien beda l-proċess…

Futbol internazzjonali

Il-partita li kellha tintlagħab illejla mit-tieni rawnd tal-aħħar 32 tal-UEFA Europa League ġiet posposta minħabba alert ta’ maltemp qawwi. Din l-aħbar ikkonfermata anki l-UEFA. Fl-ewwel rawnd, il-Ġermaniżi rebħu bi skor…

Aktar