Tazza tad-Dinja 2018
Tazza tad-Dinja 2018 – Diversi timijiet jitħarrġu qabel l-ewwel logħba tagħhom

It-tim nazzjonali Russu kellu sessjoni ta’ taħriġ fil-Luzhniki Stadium f’Moska, jumejn qabel il-logħba inawgurali kontra l-Arabja Sawdija. Il-plejers Russi ammettew li għadhom qegħdin jistudjaw bir-reqqa lill-avversarji, meta se jkunu l-aktar żewġ timijiet li jinsabu lura fir-rankings tal-FIFA, l-Arabja Sawdija fis-67 post, bir-Russja tliet postijiet warajhom, fis-70. Ir-Russi ilhom ma jirbħu għal dawn l-aħħar seba’ logħbiet, u allura mhemm l-ebda aspettazzjoni żejda fuq il-wirjiet tal-kowċ Stanislav Cherchesov. Il-partitarji Russi qegħdin iqisu li diġa’ jkun suċċess fih innifsu jekk kemm-il darba t-tim ta’ pajjiżhom jirnexxielu jagħmilha minn Grupp A.

Anke l-Arabja Sawdija tħarrġu fiż-Zenit Stadium f’San Pietruburgu t-Tlieta. It-tim tal-kowċ Juan Antonio Pizzi se jidhru għall-ewwel darba f’Tazza tad-Dinja sa mill-2006, meta spiċċaw eliminati fil-fażi tal-gruppi għat-tielet darba konsekuttiva. Il-kowċ Pizzi, li huwa mill-Arġentina, ilu jmexxi lit-tim tal-Arabja Sawdija sa minn Novembru tas-sena l-oħra, fejn qabel mexxa lit-tim taċ-Ċili fil-Copa America Centario u l-finali tat-Tazza tal-Konfederazzjonijiet. It-tim tal-Arabja Sawdija jrid li jkollu riżultat pożittiv il-Ħamis, bil-logħba mistennija tkun dik mal-pajjiż Għarbi l-ieħor, l-Eġittu, li żgur se tkun l-aktar logħba segwitha fil-Lvant Nofsani.

U t-tim tal-Brażil kellhom l-ewwel sessjoni ta’ taħriġ f’Sochi, bi preparazzjoni għall-ewwel logħba tagħhom il-Ħadd li ġej kontra l-Iżvizzera. Mijiet ta’ partitarji nġabru sabiex isegwu lit-tim favorit tagħhom waqt it-taħriġ, u jidher ukoll li l-istilla Neymar qiegħed dejjem ġej fl-aqwa tiegħu meta fi Frar li għadda weġġa’ saqajh. S’issa l-Brażil ma tilfux logħba uffiċjali taħt it-tmexxija tal-kowċ Tite, li ilu jmexxi lit-tim sa minn Ġunju 2016. L-uniku logħba li tilef Tite kienet waħda ta’ ħbiberija kontra l-Arġentina, bl-iskor ta’ 1-0 is-sena l-oħra.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Tazza tad-Dinja 2018

Il-Qorti ta’ Moska ilbieraħ bagħtet 15-il ġurnata ħabs lil waħda mill-erba’ persuni li nvadew il-pitch matul il-finali tal-Ħadd li għadda bejn Franza u l-Kroazja. Erba’ persuni invadew il-pitch matul il-finali…

Tazza tad-Dinja 2018

Merħba ta’ eroj anke għat-team nazzjonali tal-Kroazja mal-wasla lura Zagreb wara li kontra kull aspettattiva ġie t-tieni fit-Tazza tad-Dinja fir-Russja fejn tilef biss fil-finali kontra Franza. Minkejja t-telfa, it-team Kroat…

Tazza tad-Dinja 2018

L-għada li ġew inkurunati champions ġodda tad-dinja, ritorn trijonfali fil-kapitali Pariġi għall-iskwadra nazzjonali Franċiża tal-football. Eluf kbar ta’ partitarji laqgħu l-iskwadra l-ajruport Charles de Gaulle imma l-akbar merħba lill-players u…

Tazza tad-Dinja 2018

Qabel saret iċ-ċerimonja tal-għoti tal-midalji u eventwalment it-tazza lir-rebbieħa, ingħataw midalji lill-plejers li ddistingwew ruħhom f’din l-edizzjoni tar-Russja 2018. Inċidentalment, il-plejers li rebħu l-unuri lagħbu mat-timijiet li waslu sas-semifinali ta’…

Aktar