Futbol internazzjonali
Tazza tad-Dinja 2018 – Franza fil-KF wara li eliminaw lill-Arġentina f’partita b’seba’ goals

Tazza tad-Dinja 2018
Fażi l-aħħar Sittax
Franza ……… 4
Arġentina …. 3

Franza fil-Kwarti Finali wara li f’partita kbira f’Kazan għelbu lill-Arġentina 4-3.

Vantaġġ Franċiż fit-tlettax-il minuta meta żball f’nofs il-ground għall-Arġentina, ballun f’saqajn Kylian Mbappe li b’ġirja nkredibbli qata d-difiża kollha tal-Arġentina sakemm inżamm minn Marcos Rojo bl-ewwel kuntatt jasal barra l-kaxxa iżda r-referee Iranjan ordna penalty li minnu Antoine Griezmann, ballun fuq naħa, goalkeeper Arġentin Franco Armani naħa l-oħra, Franza b’vantaġġ bikri.

Reazzjoni għall-Arġentina qabel il-mistrieħ meta fit-tnejn u erbgħin minuta Angel Di Maria venven xutt mill-isbaħ min madwar tletin metru bogħod li ma ta l-ebda ċans lill-goalkeeper Hugo Lloris.

Ftuħ tat-tieni taqsima, tmienja u erbgħin minuta Arġentina għall-ewwel darba fil-vantaġġ meta freekick minn fuq ix-xellug, Lionel Messi ttanta xortiħ, ballun imxellef fix-xibka mid-difensur ta’ Sevilla Gabriel Mercado, goalkeeper Franċiż megħlub, 2-1 għall-Albiceleste.

Vantaġġ li iżda s-Sud Amerikani gawdewħ biss għaxar minuti għaliex b’dak li faċilment jista’ jitqies fost l-isbaħ goals tal-kompetizzjoni s’issa, Lucas Hernandez xeħet kross minn fuq ix-xellug li ma’ ħadu ħadd, ballun għand Benjamin Pavard li bi ġmiel ta’ xutt minn barra l-kaxxa għas-saqaf tax-xibka għeleb lil Armani fil-lasti tal-Arġentina.

Franza mill-ġdid fil-vantaġġ fl-erbgħa u sittin minuta meta reġa kien Hernandez perikoluż minn fuq ix-xellug, konfużjoni fil-kaxxa, finalment b’xutt mill-viċin, Kylian Mbappe għeleb lil Armani.

Sebgħin minuta poker Franċiż, azzjoni veloċi li bdiet mill-goalkeeper tagħhom, Olivier Giroud ta ‘l quddiem lejn Kylian Mbappe li b’konklużjoni għar-rokna spara l-ballun fix-xibka.

Fil-ħin miżjud konsolazzjoni għall-Arġentina Messi ta lejn Sergio Aguero li bir-ras għamel l-iskor finali fil-Kazan Arena, Franza erbgħa, Arġentina tlieta.

Miktub minn...
Rodney Vassallo
Aħbarijiet Oħra
Futbol internazzjonali

Kwalifikazzjoni Kampjonat Euro UEFA 2020 European Qualifiers – Grupp F Malta…………….. 2 Gżejjer Faroe……1 Malta bdiet bl-aħjar mod l-impenji tagħha fil-kampjonat Ewropew 2020 meta f’Ta’ Qali f’logħba mill-iktar eċċitanti għeleb…

Futbol internazzjonali

Illum komplew jintlagħbu aktar logħbiet mill-kwalifikazzjoni għall-Euro 2020 meta minn Grupp A f’Wembley Stadium l-Ingilterra bdew bil-kbir l-impenji tagħhom dan wara li huma għelbu lir-Repubblika Ċeka bl-iskor ta’ 5-0.  L-eroj…

Futbol internazzjonali

L-attakkant Brażiljan ta’ Paris St Germain Neymar ġie akkużat mill-UEFA talli insulenta lir-referee wara li t-tim Franċiż safa eliminat mir-round tal-aħħar sittax tal-UEFA Champions League minn Manchester United. Neymar li…

Futbol internazzjonali

Ilbieraħ filgħaxija bdew il-logħbiet tal-gruppi ta’ kwalifikazzjoni għall-EURO 2020, b’diversi riżultati li wħud minnhom kienu mistennija u oħra waslu b’sorpriża. Mistennija r-rebħiet tal-Olanda, il-Kroazja, il-Polonja u l-Belġju, filwaqt li l-Każakstan…

Aktar