Futbol internazzjonali
Tazza tad-Dinja 2018 – il-Brażil jirbħu b’żewġ goals fil-ħin miżjud

Tazza tad-Dinja 2018

Grupp E f’St.Petersburg

Brażil ………….. 2
Kosta Rika …… 0

Żewġ goals fil-ħin miżjud taw l-ewwel rebħa lil Brażil f’din it-Tazza tad-Dinja meta f’logħba ferm iktar diffiċli milli mistenni huma għelbu lil Kosta Rika bl-iskor ta’ 2-0.

Fl-ewwel taqsima logħob maqsum bil-Brażil xi ftit aħjar.

Tlettax-il minuta Kosta Rika viċin il-vantaġġ meta wara azzjoni veloċi fuq il-lemin Cristian Gamboa xeħet għan-nofs fejn kien hemm Celso Borges, iżda l-konklużjoni tal-attakkant ta’ Deportivo La Coruña għaddiet biss ċentimetri l-bogħod mil-lasti tal-goalkeeper Brażiljan Alisson Becker.

Wieħed u erbgħin minuta Marcelo ttanta xortiħ minn ċerta distanza, iżda x-xutt tiegħu ġie salvatg mingħajr wisq diffikulta minn sieħbu tal-klabb Champions tal-Ewropa, Keylor Navas.

Ftuħ tat-tieni taqsima Brażil aktar perikolużi, fil-ftuħ l-ewwel fil-ħamsin minuta daqqa ta’ ras ta’ Gabriel Jesus tistampa mal-lasta l-minduda, ftit wara sebgħa u ħamsin minuta, b’wieħed mill-isbaħ saves tat-Tazza tad-Dinja s’issa l-goalkeeper ta’ Real Madrid Keylor Navas ċaħħad lil Neymar b’save spettakolari fkorner wara konklużjoni ċentrali tal-attakkant ta’ Paris Saint. Germain.

Tkompli l-pressjoni Brażiljana, tnejn u sebgħin minuta, Neymarapprofitta minn inċertezza fid-difiża avversarja, iżda x-xutt bid-dawra tiegħu minn tar fil-kaxxa gġħaddac ftit barra.

Disgħa u sebgħin minuta ll-VAR reġgħet kienet strumentali meta wara li r-referee ordna penalty għal kuntatt minimu fuq Neymar, id-deċiżjoi ġustament ġiet reveduta hekk kif deher evidenti li l-Brażiljan prova jinganna bir-referee li kien ftit passi l-bogħo minnu.

Logħba riesqa lejn draw sakemm fil-wieħed u disgħin minuta, ballun minn fuq ix-xellug, Roberto Firmino niżżel bir-ras lejn l-ex sieħbu ma’ Liverpool Philippe Coutinho li minn żewġ passi ma’ żbaljax.

Seba’ minuti fuq id-disgħin minuta, Douglas Costa qassam lejn Neymar, għalih logħob tat-tfal meta ddepożita l-ballun fix-xibka, għal skor finali quddiem ħamsa u sittin elf spettatur fis-St.Petersburg Stadium, minn Grupp E, Brażil tnejn, Kosta Rika xejn, referee – BJÖRN KUIPERS tal-federazzjoni Olandiża.

Miktub minn...
Rodney Vassallo
Aħbarijiet Oħra
Futbol internazzjonali

Kwalifikazzjoni Kampjonat Euro UEFA 2020 European Qualifiers – Grupp F Malta…………….. 2 Gżejjer Faroe……1 Malta bdiet bl-aħjar mod l-impenji tagħha fil-kampjonat Ewropew 2020 meta f’Ta’ Qali f’logħba mill-iktar eċċitanti għeleb…

Futbol internazzjonali

Illum komplew jintlagħbu aktar logħbiet mill-kwalifikazzjoni għall-Euro 2020 meta minn Grupp A f’Wembley Stadium l-Ingilterra bdew bil-kbir l-impenji tagħhom dan wara li huma għelbu lir-Repubblika Ċeka bl-iskor ta’ 5-0.  L-eroj…

Futbol internazzjonali

L-attakkant Brażiljan ta’ Paris St Germain Neymar ġie akkużat mill-UEFA talli insulenta lir-referee wara li t-tim Franċiż safa eliminat mir-round tal-aħħar sittax tal-UEFA Champions League minn Manchester United. Neymar li…

Futbol internazzjonali

Ilbieraħ filgħaxija bdew il-logħbiet tal-gruppi ta’ kwalifikazzjoni għall-EURO 2020, b’diversi riżultati li wħud minnhom kienu mistennija u oħra waslu b’sorpriża. Mistennija r-rebħiet tal-Olanda, il-Kroazja, il-Polonja u l-Belġju, filwaqt li l-Każakstan…

Aktar