Sparar
Tazza tad-Dinja ISSF – Tidħol fl-azzjoni Mikaela Galea fit-Trap

It-Tnejn ingħata bidu għall-kompetizzjoni tat-Trap tan-Nisa, bl-ewwel ġurnata ta’ kwalifikazzjoni, fejn kienet fl-azzjoni t-tiratriċi Maltija Michaela Galea.

Fl-ewwel round hi laqtet 21 plattina minn 25, 18-il waħda minn 25 fit-tieni round u 19-il plattina fit-tielet round. Fit-tielet u l-aħħar round hi bdiet tajjeb ħafna meta laqtet l-ewwel 8 plattini, imma mbagħad kellha problema bl-ejector tas-senter tagħha u kellha tispara waħedha wara li ntemm dak ir-round. Biss dan id-dewmien swieha qares liż-żagħżugħa ta; 17-il sena meta falliet 6 plattini mill-aħħar 17. Galea se terġa’ tkun fl-azzjoni bir-raba’ round it-Tlieta filgħodu fit-8am, b’xandira diretta fuq TVM2.

It-Tlieta wkoll jidħlu fl-azzjoni il-ħames tiraturi rġiel tat-trap, li huma William Chetcuti, Brian Galea, Mario Buhagiar, Żaren Attard u Gianluca Chetcuti. Intant, riżultati pożittivi mit-tiraturi Galea u Chetcuti waqt il-provi uffiċjali li saru llum, fejn Galea laqat 24 minn 25 plattina filwaqt li Chetcuti laqat 23.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Sparar

Sparar: John Marmara rebaħ il-Busuttil Builders Trap Cup fi tmiem il-ġimgħa, kompetizzjoni li saret fil-Bidnija. Stephen Vella spiċċa fit-tieni post u Rennie Deguara fit-tielet post. Il-Programm tal-MSSF issa jitkompla nhar il-Ħadd…

Sparar

Christopher Farrugia rebaħ il-QCSC Trap Event li saret fi tmiem il-ġimgħa fil-Qormi Clay Shooting Club. Il-kompetizzjoni saret fuq żewġ rounds ta’ 25 plattina l-wieħed. Fit-tieni post wara Farrugia spiċċa Nico Sciberras…

Sparar

Marlon Attard fi tmiem il-ġimgħa rebaħ il-kompetizzjoni La Ciliega Caterers Skeet Mini Grand Prix meta fil-finali għeleb l-isfida ta’ Clive Farrugia u Jason Sciberras li spiċċaw fit-tieni u fit-tielet post…

Sparar

Sparar: William Chetcuti ma rnexxielux jikkwalifika għall-finali tal-Kampjoant tad-Dinja tat-Trap li sar fl-Al Ain fl-Emirati Għarab Magħquda għal plattina waħda meta kellu sessjoni ta’ kwalifikazzjoni tajba ħafna. Chetcuti laqat straight…

Aktar