Futbol internazzjonali
Tazza tad-Dinja Russja 2018 – L-ewwel tliet punti għas-Senegal b’rebħa fuq il-Polonja

Tazza tad-Dinja Russja 2018
Grupp Ħ

Polonja ….. 1
Senegal …… 2

Bidu qawwi għas-Senegal li għelbu lil Polonja bl-iskor ta’ 2-1.

Fil-formazzjoni tas-Senegal id-difensur ta’ Napoli Kalidou Koulibaly u l-attakkant ta’ Liverpool Sadio Mane.

Għal Polonja Jakub Blaszczykowski f’din il-partita sar biss it-tielet player Pollakk bil-mitt logħba għal pajjiżu.

Vantaġġ Afrikan fit-tmienja u tletin minuta meta f’azzjoni veloċi ta’ kontrattakk, ballun għand il-midfielder ta’ Everton Idrissa Gueye li fajjar xutt b’saħħtu, iżda devjazzjoni qawwija tad-difensur Pollakk Thiago Cionek qatgħet għal kollox lill-goalkeeper ta’ Juventus Wojciech Szczesny, ballun fix-xibka, 1-0 għas-Senegal sa tmiem l-ewwel taqsima.

Fil-wieħed u ħamsin minuta reazzjoni Pollakka bi freekick ta’ Robert Lewandowski kien attent il-goalkeeper Khadim N’Diaye.

Senegal serħu rashom mit-tliet punti mas-siegħa logħob meta żball difensiv ta’ Grzegorz Krychowiak li ta ballun lura, biex approfitta l-attakkant ta’ Milan l-istaġun li għadda misluf ma’ Torino u b’passat fl-Ingilterra, Mbaye Niang, li f’lasti vojta irdoppja għal pajjiżu.

Grzegorz Krychowiak li l-istaġun li għadda kien misluf ma’ West Brom fl-Ingilterra mingħand Paris St.Germain patta xi ftit għall-iżball fit-tieni goal Afrikan, meta bi ġmiel ta’ daqqa ta’ ras skorja dak li kellu jkun il-goal tal-bandiera għall-Polonja fis-sitta u tmenin minuta, għal skor finali fl-iSpartak Stadium f’partita mill-isbaħ minn Grupp Ħ, Polonja wieħed, Senegal tnejn.
Miktub minn...
Norma Saliba
Aħbarijiet Oħra
Futbol internazzjonali

Il-logħba tal-lejla bejn il-Montenegro u l-Ingilterra se tkun qed tixxandar diretta fuq il-website tvm.com.mt/sports. Montenegro – Ingilterra hi logħba minn Grupp A ta’ kwalifikazzjoni għall-kampjonat Ewropew Uefa Euro 2020. Il-logħba…

Futbol lokali

Kollox qed jindika li l-Istadium Nazzjonali f’Ta’ Qali għada se jkun mimli kollu għal-logħba bejn Malta u Spanja li se tkun qed tintlgħab fid-8.45pm. Il-logħba li hi valida minn Grupp…

Futbol internazzjonali

Il-bieraħ bdew it-tieni logħbiet tal-gruppi ta’ kwalifikazzjoni għall-Euro 2020, b’telfa sorpriża għall-Kroazja barra minn darhom għand l-Ungerija, filwaqt li l-Ġermanja rnexxilhom joħoġru rebbieħa fl-Olanda bl-iskor ta’ 3-2.Rebħiet ukoll għar-Russja, l-Iskozja…

Futbol internazzjonali

Kwalifikazzjoni Kampjonat Euro UEFA 2020 European Qualifiers – Grupp F Malta…………….. 2 Gżejjer Faroe……1 Malta bdiet bl-aħjar mod l-impenji tagħha fil-kampjonat Ewropew 2020 meta f’Ta’ Qali f’logħba mill-iktar eċċitanti għeleb…

Aktar