Sports Internazzjonali
Tazza tad-Dinja tal-Isparar (ISSF) – Makela-Nummela tirbaħ il-finali tat-Trap tan-nisa

It-Tlieta waranofsinhar fis-Siġġiewi, saret il-finali tat-Trap tan-nisa fejn il-Finlandiża Satu Makela-Nummela rebħet il-finali meta laqtet 44 plattina minn 50. Fit-tieni post spiċċat il-Ġermaniża Katrin Quooss li laqtet 41 plattina, filwaqt lir-Russa Ekaterina Rabaya laqtet tletin waħda minn ħamsin. Aktar kmieni kienet ukoll fl-azzjoni t-tiratriċi Maltija Mikaela Galea li ida ma rnexxiliex tagħmilha għall-finali meta minn ħames rounds hija laqtet 99 plattina minn possibilment 125. L-aħjar round tagħha kien ir-raba’ wieħed fejn laqtet 23 minn 25 plattina.

Aktar kmieni t-Tlieta daħlu wkoll fl-azzjoni t-tiraturi rġiel tat-Trap, fejn l-aħjar li mar fuq iż-żewġ rounds s’issa kien Brian Galea li laqat straight fl-ewwel round u 23 plattina fit-tieni wieħed. William Chetcuti laqat 43 plattina minn possibilment ħamsin fuq żewġ rounds, fejn fl-ewwel wieħed laqat 22 u fit-tieni laqat 21 plattina. William Chetcuti u Brian Galea flimkien mat-tliet tiraturi l-oħra, Żaren Attard, Mario Buhagiar u Gianluca Chetcuti, jisparaw l-aħħar tliet rounds l-Erbgħa filgħodu mit-8:30 ‘l quddiem b’xandira diretta fuq TVM2 b’kummentarju ta’ Sandro Micallef.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Sports Internazzjonali

L-Ispanjol Jorge Lorenzo rebaħ it-tieni Moto GP tiegħu wara xulxin f’dan l-istaġun, fil-Grand Prix ta’ pajjiżu, fil-Katalunja. Iċ-ċampjin renjanti u l-leader tal-klassifika s’issa, Marc Marquez, daħal it-tieni, bit-Taljan Valentino Rossi…

Sports Internazzjonali

Karozzi – It-tim tat-Toyota temm snin twal ta’ stennija, meta fl-aħħar rebħu t-tellieqa ta’ Le Mans, li ddum għaddejja 24 siegħa, u dan għamluh bi stil. Kien id-darbtejn ċampjin tal-Formula…

Sports Internazzjonali

Atletika – Fl-hekk magħrufa bħala l-iSky Marathon, l-Iżvediż Petter Engdahl u l-Ispanjola Laura Orgue, rebħu s-sezzjonijiet tagħhom, fl-aħħar tellieqa li saret fl-Alpi Taljani. It-tellieqa kienet twila 34 kilometru, fejn l-atleti…

Sports Internazzjonali

Tennis – Kien l-Iżvizzeru Roger Federer li rebaħ il-finali tal-iStuttgart Cup u b’hekk reġa’ ħa l-post numru wieħed fir-rankings dinjija tat-tennis. Din kienet it-78 rebħa ta’ Federer, biex b’hekk issa…

Aktar