Futbol internazzjonali
Tazza tad-Dinja tan-Nisa 2019: Titħabbar l-iskwadra Franċiża

Il-coach tat-tim nazzjonali Franċiż tan-nisa, Corinne Diacre, għażlet l-iskwadra uffiċjali għat-Tazza tad-Dinja tan-Nisa li ser issir fil-pajjiż stess. Din hija l-ewwel darba li Franza ser tospita dawn il-logħbiet li ser jintlagħbu f’disa’ stadiums differenti, fosthom fi bliet bħal Pariġi, Lyon u Rennes.

Il-captain Amandine Henry ser tkun qiegħda tmexxi lit-tim, fejn diversi players mill-iskwadra li ħadet sehem fl-aħħar Tazza tad-Dinja reġgħu ġew mgħajta fit-tim.

L-attakkanta ta’ PSG, Marie-Antoinette Katoto ma kenitx mgħajta mat-23, ommissjoni sorprendenti meta l-Franċiża kienet l-aqwa skorer f’dan l-istaġun bi 22 gowl. Skont il-coach Diacre, Katoto kellha xi ħaġa nieqsa meta kkumparata mal-players l-oħra, biss ħalliet il-bieb miftuħ għall-futur.

It-tim nazzjonali tan-nisa Franċiż għandu l-għan li jirreplika s-suċċess li kiseb it-tim tal-irġiel fit-Tazza tad-Dinja tas-sena li għaddiet, meta kienu rebħu l-kompetizzjoni kontra l-Kroazja fil-finali. It-tim nazzjonali tan-nisa s’issa għadu qatt ma’ rebaħ it-Tazza tad-Dinja, b’Diacre qiegħda tittama li l-fatt li ser jilagħbu f’pajjiżhom tgħin lill-players sabiex jagħtu dik ix-xi ħaġa aktar li tista’ tagħmel id-differenza kollha.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Wara t-telfa kerha tat-Tlieta li għadda ta’ Real Madrid fi Franza kontra Paris St Germain bi skor ta’ 3-0, teżisti possibbiltà kbira li ġganti Spanjoli jneħħu lill-kowċ tagħhom Zinedine Zidane….

Futbol internazzjonali

L-ex plejer professjonali Olandiż Kelvin Maynard inqatel b’tiri ta’ arma tan-nar meta żewġ persuni fuq mutur għaddew minn mal-karozza tiegħu sparaw tiri li laqtuh u ħallewh tal-post. Maynard hu ex…

Futbol internazzjonali

Il-President tal-FIFA Gianni Infantino għal darb’oħra reġa’ ħeġġeġ lill-Iran sabiex in-nisa jitħallew jidħol fl-istadiums sabiex isegwu l-futbol. Dan l-appell mingħand Infantino wasal ftit tal-jiem qabel mal-Iran jilqgħu f’darhom lill-Cambodia, u…

Futbol internazzjonali

UEFA EUROPA LEAGUE 2019/20 MATCH DAY 1 – Il-Logħbiet tad-9pm Grupp G FC Porto 2 – 1 Young Boys Rangers – 1 – 0 Feyenoord Grupp H RCD Espanyol 1…

Aktar