Sports Internazzjonali
Tazza tad-Dinja tar-Rugby: L-Arġentina jtemmu b’rebħa wara edizzjoni diżappuntanti

L-Arġentina temmew fuq nota pożittiva parteċipazzjoni diżappuntanti fit-Tazza tad-Dinja dan hekk kif huma għelbu lill-Istati Uniti 47-17. Il-Pumas, li t-tamiet ta’ kwalifikazzjoni ġew fix-xejn wara telfiet kontra Franza u l-Ingilterra, għażlu tim bi players żgħażagħ u l-uċuh ġodda ħadu ċ-ċans tagħhom fejn ħasdu għal kollox lill-Amerikani.

Kien hemm żewġ tries għal Joaquin Tuculet u Juan Cruz Mallia b’dan tal-aħħar jiġi magħżul bħala l-player tal-Logħba. Din kienet id-disa’ rebħa minn daqstant logħbiet għall-Arġentina fuq l-Istati Uniti. Huma spiċċaw fit-tielet post fil-Pool tagħhom b’rebħiet fuq Tonga u l-Istati Uniti, riżultat li tal-anqas fisser kwalifikazzjoni awtomatika għall-edizzjoni tal-2023. Iżda żgur kien pass lura għall-Arġentini , semi finalisti telliefa fl-edizzjoni tal-2015.

F’logħbiet oħra llum l-Iskozja għelbu lir-Russja 61-0 filwaqt li Wales 29 Fiji 17. Il-fażi tal-aħħar sittax tibda nhar il-Ġimgħa bil-logħba Awstralja – Ġorġja.

Miktub minn...
Simon Farrugia
Ġurnalist ta' TVM Sport. Isegwi l-Isport lokali u internazzjonali. Jippreżenta l-aħbarijiet sportivi , jirraporta u kummentatur tal-logħbiet mill-Kampjonat Premier, UEFA Champions League u UEFA Europa League
Aħbarijiet Oħra
Sports Internazzjonali

Rugby: Magħrufa l-ewwel żewġ semifinalisti tat-Tazza tad-Dinja tar-Rugby li qed issir fil-Ġappun. Fil-logħba li ntlagħbet f’Tokyo, New Zealand għelbu lill-Irlanda bl-iskor ta’ 46 b’14 sabiex qatgħu passaġġ għal mal-aħħar erbgħa….

Sports Internazzjonali

Super League Triathlon – Fl-ewwel ġurnata tas-Super League Triathlon li qed isir fi tmiem din il-ġimgħa f’Birgu u Bormla, kien Vincent Louis li għamel l-aħjar ħinijiet sabiex b’faċilita’ għadda għall-finali…

Sports Internazzjonali

Ice Hockey: L-ex goalkeeper ta’ Chelsea, Arsenal u r-Repubblika Ċeka Petr Cech kien protagonista f’partita ice hockey li hu ddebutta fiha fir-raba’ diviżjoni bejn Guilford Phoenix u Swindon Wilcats 2…

Formula 1

Fil-Ġappun, il-Mercedes rebħu s-sitt kampjonat konsekuttiv tal-kostrutturi wara li s-sewwieqa tagħhom spiċċaw l-ewwel u t-tielet, bil-Ferrari jkollhom tellieqa oħra pjuttost diżappuntanti wara li Vettel u Leclerc telqu mill-ewwel żewġ postijiet…

Aktar