Futbol internazzjonali
Tazza tad-Dinja U/17: Messiku u Brażil fil-finali

Il-Messiku u l-Brażil ser jikkontestaw il-finali tat-Tazza tad-Dinja ta’ taħt is-sbatax il-sena.

Fl-ewwel semi finali tal-bieraħ il-Messik għaddew għas-spejjeż tal-Olanda wara l-għoti tal-penalties. Il-logħba spiċċat fi draw ta’ 1-1 fejn wara li Youri Pieter Regeer poġġa lill-Olanda fil-vantaġġ fl-74 minuta kien Efrain Alvarez li kiseb il-gowl tad-draw ħames minuti biss wara.

Intant il-Brażil dawru telfa f’rebħa dan wara li huma għelbu lil Franza bl-iskor ta’ 3-2. Kienu l-Franċiżi li ħadu vantaġġ doppju minn Arnaud Kalimuendo-Muinga fis-7 minuta u fit-13 il-minuta minn gowl ta’ Nathanael Mbuku. Iżda l-Brażil irrispondew b’wirja b’saħħitha fit-tieni taqsima fejn b’gowls minn Kaio Jorge fit-62 minuta, Veron fis-76 minuta u Lazaro minuta mit-tmiem kisbu post fil-finali.

Il-finali tintlagħab nhar il-Ħadd u tintwera diretta fuq TVM2

Miktub minn...
Simon Farrugia
Ġurnalist ta' TVM Sport. Isegwi l-Isport lokali u internazzjonali. Jippreżenta l-aħbarijiet sportivi , jirraporta u kummentatur tal-logħbiet mill-Kampjonat Premier, UEFA Champions League u UEFA Europa League
Aħbarijiet Oħra
Futbol internazzjonali

Il-manager ta’ Liverpool Jurgen Klopp ikkonferma li għar-replay bejn Liverpool u Shrewsbury Town ser jilagħbu ż-żgħażagħ tat-tim u hu mhux ser ikun qiegħed imexxi lill-iskwadra imma ser iħalli f’idejn il-coach…

Futbol internazzjonali

Napoli 2   Juventus 1 Tasal it-tieni telfa ta’ Juventus fis-Serie A, telfa pjuttost sorpriża kontra Napoli fis-San Paolo, meta wieħed iqis il-perjodu li għaddejjin minnu n-Naplitani. Il-gowls kollha kienu skurjati…

Futbol internazzjonali

Kampjonat Taljan, Serie A: Diversi partiti llum wara nofsinhar mill-21 ġurnata. Fil-partita li ntlagħbet kmieni wara nofsinhar, pass falz ieħor minn Inter li f’darhom ħadu punt biss fi draw ta’…

Futbol internazzjonali

Barcelona jidhru interessati fi Christian Eriksen ta’ Tottenham Hotspur, tant li tkellmu mal-klabb Ingliż biex jiċċekkjaw jekk jistgħux jitkellmu mal-plejer innifsu. Min-naħa tiegħu, Eriksen tkellem maċ-chairman Daniel Levy nhar it-Tlieta…

Aktar