Futbol internazzjonali
Tazza tad-Dinja U20: Is-Senegal fil-kwartifinali wara rebħa fuq in-Niġerja

Senegal 2 Niġerja 1

Is-Senegal għamluha għall-kwartifinali tat-Tazza tad-Dinja U20, meta fir-Round tas-16 għelbu lin-Niġerja bl-iskor ta’ 2-1. Is-Senegal fetħu żewġ gowls vantaġġ sa tmiem l-ewwel taqsima, b’Sagna jiftaħ l-iskor fis-36 minuta u Niane għamilhom tnejn mat-tielet minuta fuq il-ħin regolamentari tal-ewwel taqsima.

In-Niġerja naqqsu d-distakk fil-50 minuta minn Okon imma ma rnexxilhomx isibu x-xibka għal darb’oħra biex għallinqas jisfurzaw il-ħin barrani u għaldaqstant spiċċaw eliminati minn din il-kompetizzjoni.

Illum jintlagħbu tliet logħbiet oħra mir-Round tas-16:

17:30 Franza – USA
17:30 Ġappun – Korea t’Isfel
20:30 Arġentina – Mali

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Gianfranco Zola, l-ex assistant kowċ ta’ Chelsea, qal li ħafna mill-plejers kienu ddejqu jaħdmu mal-kowċ Maurizio Sarri. F’intervista kontroversjali li ta lil Bein Sports, Zola qal li kien hemm plejers…

Futbol internazzjonali

Tħabbret il-mewt ta’ Beppe Barletti, ex kontributur tal-programm 90 Minuto fuq ir-RAI. Barletti kien mir-reġjun ta’ Piemonte u kien il-korrispondenti ta’ Juventus u Torino fiż-żmien li 90 Minuto kien jippreżentah…

Futbol internazzjonali

Il-UEFA qed tistenna d-dati tal-fixtures il-ġodda tal-Premier League Ingliż u tas-Serie A sabiex tkun tista’ tiffinalizza d-dati tal-kontinwazzjoni tal-kompetizzjonijiet ta’ dan l-istaġun. Il-Premier League Ingliż kien l-aħħar kampjonat li ħabbar…

Futbol internazzjonali

Kollox qed jindika li ntlaħaq ftehim bejn Inter u Paris St Germain biex il-player Arġentin Mauro Icardi jsir player tal-Pariġini għal kollox. Icardi kien diġa’ wera’ x-xewqa li jibqa’ fil-Ligue…

Aktar