Futbol lokali
Team Nazzjonali U21: Vella jħabbar skwadra proviżorja

Il-Kowċ nazzjonali ta’ taħt il-21 sena Silvio Vella ħabbar l-iskwadra proviżorja ta’ 23 plejer bi preparazzjoni għall-partita minn Grupp 6 tal-fażi ta’ kwalifikazzjoni għall-Kampjonat Ewropew. It-tim Malti jilgħab kontra l-Iżvezja fl-Istadium taċ-Ċentinarju fis-7 ta’ Ġunju.

Fost dawk magħżula, Vella għażel erba’ plejers ġodda fl-iskwadra proviżorja għall-ewwel sessjoni tat-Tnejn li ġej. Dawn huma l-midfielder Nicholas Pulis ta’ Valletta, il-midfielder ta’ Qormi Yannick Yankam u l-plejer avvanzat ta’ Pietà Jan Busuttil. Magħżul ukoll hemm Christian Mercieca li jilgħab maċ-champions ta’ Għawdex Victoria Hotspurs. Aidan Friggieri rritorna fl-iskwadra.

Il-logħba kontra l-Iżvediżi hi s-seba’ waħda għat-tim Malti, bil-kumplament tal-logħbiet huma kollha f’pajjiżna. L-Iżvezja għelbet lil Malta 3-0 f’Ottubru li għadda.

Miktub minn...
TVMSports
Aħbarijiet Oħra
Futbol lokali

MAFA 2018/19 Valletta St Pauls baqgħu jittamaw li jżommu t-titlu li rebħu s-sena l-oħra meta għelbu lir-rivali eterni Marsa St Michael bl-iskor ta’ 2-1. Kienet rebħa kollettiva li waslet sabiex…

Futbol lokali

Taħt għajnejn il-coach Lars Olsen, illum wara nofsinhar is-sessjoni uffiċjali ta’ taħriġ ta’ lejlet il-partita tal-iskwadra tal-Gżejjer Faroe fuq il-ħaxix tal-Istadium Nazzjonali. Fil-mikrofonu ta’ TVMSport, Olsen wera ruħu k unfidenti minn…

Futbol lokali

It-tim nazzjonali Malti ta’ taħt il-21 sena mmexxi mill-kowċ nazzjonali Silvio Vella rebaħ l-ewwel partita kontra t-Turkmenistan bi skor ta’ 2-1. Il-gowls ta’ Malta ġew skurjati minn Zachary Brincat u…

Futbol lokali

Malta tilgħab l-ewwel partiti minn Grupp F tal-kwalifikazzjoni għall-Kampjonati Ewropej 2020 għada s-Sibt kontra l-Gżejjer Faroe. Din se tkun l-ewwel partita minn tnejn fi tlett ijiem għat-tim nazzjonali. Ray Farrugia,…

Aktar