Futbol lokali
FILMAT: Tedesco jmexxi lil Ħamrun għal rebħa fuq l-eks team tiegħu Floriana

KAMPJONAT BOV PREMIER 2018/19

Ħamrun Spartans…….2

Floriana…………………..0

Stadium Nazzjonali, Ta’ Qali

B’żewġ gols fit-tieni taqsima, Ħamrun Spartans għelbu lil Floriana fl-ewwel partita tagħhom dan l-istaġun.

Fit 23 minuta ċans tajjeb għall Floriana li setgħu marru fil-vantaġġ meta Emerson Marcellina għadda l-ballun lil Ignacio Varela li minn taħt Emmanuel Bartolo ra x-xutt tiegħu jiġi salvat tajjeb ferm mill-goalkeeper Ħamruniż. Sitt minuti wara ċans ieħor għall- Greens meta Steve Pisani kompla lejn Jacinto Cabral li minn quddiem Bartolo falla, meta għal darb’oħra l-goalkeeper Ħamruniż wettaq save ieħor brillanti. Pero’ żewġ minuti wara kienu l-Ħamruniżi ferm viċin li jiftħu l-iskor meta wara free-kick li ngħata minn Matthew Gauci, d-daqqa ta’ ras ta’Caetano Calil taħbat ma sieq il-lasti furjaniża bil-goalkeeper Akpan megħlub. Minuta qabel għalqet l-ewwel taqsima Alexsander Cini seraq ballun lid-difiza tal-Ispartans, ikkrosja lejn Varela iżda d-daqqa ta’ ras ta’ dan spiċċat ftit barra.

Fil 51 minuta, korner għal Floriana li ngħata minn Steve Pisani, daħal bil-ġirja Jacinto Cabral, li x-xutt tiegħu spiċċa barra. Fil-61 minuta xutt minn tarf il-kaxxa ta’ Kevin Tulimieri u Akpan dawwar f’korner. Pero’ erba minuti wara l-Ispartans marru fil- vantaġġ, beda l-azzjoni Carlos Henneberg, Priso Doding bir-ras kompla għan-nofs daħal Kevin Tulmieri li mill-viċin għeleb lil Akpan. Fil-75 minuta xutt ċentrali ta’ Varela għadda ftit għoli. Żewġ minuti mit-tmien Ħamrun aċċertaw ir-rebha b’goal tas-sostitut Bradley Schembri wara pass tajjeb ta’ Calil.

Rizultat finali : Ħamrun Sp. 2 – Floriana FC. 0.

BOV Player tal-Partita: Kevin Tulimieri (Ħamrun Sp.)

Referee : Malcolm Spiteri.

 

Miktub minn...
Sandro Micallef
Ġurnalist ta' TVM Sport. Isegwi l-Isport lokali u internazzjonali. Jippreżenta l-programm Sports Panorama.
Aħbarijiet Oħra
Futbol lokali

Mosta wkoll se jkunu mmexxija minn coach ġdid meta jiffaċċjaw lil Birkirkara fl-ewwel partita li jmiss tal-kampjonat. Il-club Mosti llum ħabbar li l-kumitat laħaq ftehim mal-coach Taljan Enrico Piccioni biex…

Futbol lokali

F’Durres, l-Albanija: it-team nazzjonali Malti ta’ taħt il-21 sena tilef 2-0 f’partita ta’ ħbiberija maż-żgħażagħ Albaniżi tal-istess eta’. Għall-Albanija l-goals ta’ Hebaj fl-34, u Imeri minn penalty minuta mill-mistrieħ. Fit-tieni…

Futbol lokali

Il-coach tat-team nazzjonali Malti Ray Farrugia trankwill lejlet il-partita kontra l-Kosovo: konxju mill-qawwa tal-avversarji imma konvint li l-players tiegħu se jagħmlu l-parti tagħhom. Malta tilgħab kontra l-Kosovo għada filgħaxija fl-Istadium…

Futbol lokali

It-Taljan Guido Ugolotti huwa l-coach il-ġdid tal-club tal-Kampjonat BOV Premier Floriana. Ugolotti li nħatar għall-kumplament tal-istaġun, jieħu post Luis Oliveira, li min-naħa tiegħu kien ħa post Nicolas Chiesa f’Awwissu wara…

Aktar