Futbol lokali
Telfa ta’ 4-0 għaż-żgħażagħ Maltin fl-Ukrajna

It-tim nazzjonali Malti ta’ taħt il-21 sena tilef kontra l-Ukrajna 4-0 f’logħba minn Grupp 8 ta’ kwalifikazzjoni għall-kampjonat ewropew. Din kienet it-tieni logħba ta’ Malta f’dan il-grupp wara d-draw ta’ mingħajr gowls kontra l-Irlanda ta’ Fuq erbat ijiem ilu.

L-Ukrajna bnew vantaġġ ta’ tliet gowls fl-ewwel taqsima fejn wara 17-il minuta kien Topalov li skorja b’xutt sabiħ minn tarf il-kaxxa. Erba’ minuti wara kien Rusyin li skorja mill-viċin wara azzjoni tajba fuq ix-xellug u ħames minuti mill-intervall kien Lednev li skorja b’xutt minn tarf il-kaxxa.

Fit-tieni taqsima wasal ukoll ir-raba’ gowl skorjat minn Tsitaishvili wara azzjoni personali fit-83 minuta.

Il-kowċ Silvio Vella lagħab b’din il-formazzjoni: Andreas Vella, David Xuereb, Jan Tanti (Aiden Friggieri), Kurt Shaw, Michele Sansone, Nicholas Pulis (Jamie Zerafa), Zachary Grech, Gary Camilleri,  Zachary Brincat (Omar Elouni), Jean Borg, Myles Beerman (Jan Busuttil)

Miktub minn...
Chris Cassar
Aħbarijiet Oħra
Futbol lokali

Valletta kontra Birkirkara hija l-iktar logħba attraenti tal-ewwel ġurnata tal-kampjonat BOV Premier tal-istaġun 2020/21 li se jibda fil-11 ta’ Settembru. Fl-ewwel ġurnata ċ-Champions renjanti Floriana jaffrontaw lil Gżira United. Dan…

Futbol lokali

Il-plejer internazzjonali Malti Joseph Mbong, ftit tal-minuti ilu sar plejer ta’ Hamrun Spartans. Jidher li bejn Hibernians u Hamrun Spartans intlaħaq ftehim dwar iċ-ċifra tat-trasferiment proprju fl-10.15 am meta kien…

Aktar