Bowling
Ten Pin Bowling: Philip Gruppetta b’rebħa konvinċenti fil-Masters

Philip Gruppetta, iż-żagħażugħ ta’ 23 sena, kellu wirja ferm konvinċenti fil Masters tat-ten pin bowling b’rebħa fil-final kontra ċ-champion nazzjonali Mauro Anastasi b’punteġġ ta’ 251 għal 174.

Anastasi u Gruppetta ddominaw l-aħħar fażi tal- kwalifikazzjoni biex spiċċaw fl-ewwel żewġ postijiet għal finali bejn sitta.

Gruppetta lagħab kontra Melissa Swift u Kenneth Arpa, b’dan tal-aħħar jiġi eliminat bi split kiefer fl-aħħar frame tal-ewwel logħba, biex fit-tieni logħba, Gruppetta għeleb lil Swift.

Fil- grupp l-ieħor, Anastasi ddomina lil Rankin Camilleri u Neil Sullivan b’logħob ferm sabiħ.

Fil-final fuq logħba waħda, Anastasi beda kemmxejn ħażin, waqt li Gruppetta ħareg b’saħħtu bi tliet srikes wara xulxin.

Għalkemm Anastasi prova jirkupra bi strikes hu wkoll, Gruppetta baqa’ għaddej b’saħħtu u spiċċa jirbaħ il-Masters għall-ewwel darba.

Fit-tielet post spiċċaw Neil Sullivan u Melissa Swift.

Miktub minn...
TVM Sport
Aħbarijiet Oħra

Hekk kif l-ewwel rawnd tal-Mapfre MSV Life wasal fi tmiem, OkMalta.com u Total komplew jiddominaw u t-tnejn irreġistraw rebħiet komdi ta’ 8-0. OkMalta.com kienu f’forma mill-isbaħ, bl-4 plejers kollha jaqbżu…

Ten Pin Bowling: OkMalta.com kabbru il-vantaġġ għal 6 punti fuq it- tim TOTAL fil-5 ġimgħa tal-Mapfre MSV Life l-ewwel Diviżjoni. OKMalta.com, li fosthom jilgħab Mauro Anastasi, li għadu kif rebaħ…

Sandra Xuereb u Kayden Lagana rebħu l-Gold Cup 2020 fil-Eden Super Bowl Xuereb, li bdiet il-bowling madwar sena u nofs ilu għelbet lil Liliana Spiteri fil-finali 176-170 u 174-164. Spiteri,…

Wara l-waqfa twila sfurzata minħabba COVID 19, l- staġun lokali kompetittiv tat-ten-pin bowling kellu bidu kbir, bic-Cisk Lager Doubles League organizzat mill-Eden Super Bowl, b’xi punteġġi għoljin ħafna li juru…

Aktar