Tennis
Tennis: Andy Murray jirtira mill-Open tal-Awstralja

Andy Murray mhux se jkun qed jikkompeti fl-Open tal-Awstralja minħabba injury.

Din l-aħbar tawha l-management tat-tim ta’ Murray proprju dalgħodu.

L-ex numru wieħed tad-dinja, li kien qed jaspira li jirritorna, iddeċieda li ma jivvjaġġax lejn Melbourne wara li baqa’ ma rkuprax sew mill-injury li laqtitu.

Murray tħarreġ normali matul il-ġimgħa li għaddiet iżda fuq pariri tat-tobba, se jkun qed jitlef dan it-tournament li jibda fl-20 ta’ Jannar u jintemm fit-2 ta’ Frar.

Fil-karriera tiegħu, Murray tilef ħames darbiet il-finali tal-Open tal-Awstralja.

Murray ta’ 32 sena, kien ħabbar li se jirtira mill-karriera sena ilu, iżda ftit wara kien reġa’ ħasiba u qal li se jkompli jipparteċipa.

Murray beħsiebu jirritorna fi Frar għall-Open Sud de France Tournament, li se jsir f’Montpellier.

Miktub minn...
TVM Sport