Tennis
Tennis Rogers Cup: Rafael Nadal jirbaħ kontra t-Taljan Fabio Fognini

Is-Seed numru wieħed Rafael Nadal għeleb lit-Taljan Fabio Fognini 2-6, 6-1, 6-2 biex żamm ħajjin it-tamiet tiegħu li jiddefendi b’suċċess it-titlu tar-Rogers Cup mirbuħ is-sena l-oħra. L-avversarju ta’ Rafael Nadal fis-semifinali issa se jkun ir-rebbieħ tal-konfront bejn Gael Monfils u Roberto Bautista Agut.

Nadal kellu bidu diffiċli u ma setax isib tarf is-service preċiż ta’ Fognini. Fit-tieni u t-tielet set Nadal sab il-forma tiegħu u rebaħ faċilment iż-żewġ sets ta’ wara biex għadda mal-aħħar erba’.

Intant is-seed numru tnejn Dominic Thiem kien eliminat mir-Russu Daniil Medvedev biex b’hekk intemmet is-serje ta’ sitt rebħiet konsekuttivi tal-Awstrijak. Medvedev kien dominanti tul il-logħba li damet inqas minn siegħa bir-Russu jirbaħ 6-3, 6-1.

U fil-kompetizzjoni tan-nisa kompliet tavanza Serena Williams li llum tgħodd 37 sena. Kontra l-Ġappuniża Naomi Osaka Serena Williams ftit sabet oppożizzjoni u għaddiet faċilment għas-semifinali bil-punteġġ 6-3, 6-4.

L-avversarja ta’ Serena Williams fis-semif inali se tkun ir-rebbieħa tal-kwartifinali bejn Simona Halep u Marie Bouzkova. F’logħbiet oħra mill-kwarti finali il-Kanadiża Bianca Andreescu wetqet sorpiża meta eliminat lil Karolina Pliskova 6-0, 2-6, 6-4. L-avversarja ta’ Andreescu fis-semifinali se tkun l-Amerikana Sofia Kenin li għelbet lil Elina Svitoliona 7-6, 6-4.

It-telfa u l-eliminazzjoni ta’ Karolina Pliskova tfisser li minn nhar it-tnejn, Naomi Osaka, minkejja t-telfa kontra Serena Williams, se tieħu post Ashley Barty bħala n-numru wieħed tad-dinja.

 

Miktub minn...
TVM Sport
.
Aħbarijiet Oħra
Tennis

Simona Halep qalet li għadha ftit inkwetata dwar il-fatt li trid tilgħab l-Open tal-Istati Uniti ta’ din is-sena. It-tournament ta’ Wimbledon ġie kkanċellat minħabba l-COVID-19 u l-Open tal-Istati Uniti se…

Tennis

Għall-edizzjoni tar-Roland Garros tal-2020 se jitħallew jidħlu spettaturi sa 60% tal-ispazju li jesgħu l-courts tat-tennis li se jkun qed jintlagħab it-tournament. L-organizzaturi tal-Open ta’ Franza qalu li se jkunu qed…

Tennis

Il-leġġenda Martina Navratilova, meqjusa bħala waħda mill-aqwa tennisti femminnili fl-Istorja, qalet li Coco Gauff hi tennista b’potenzjal li tista tibdel id-dinja għall-aħjar. It-tennista żagħżugħa Amerikana kellha diskors b’saħħtu ħafna waqt…

Tennis

Tennis: Tkompli l-kontroversja wara l-Adria Tour it-tournament tat-Tennis li organizza it-tennista Serb Novak Djokovic. Illum it-tennista Awstraljan Nick Kyrgios ikkritika bil-qawwa l-atteġjament xejn professjonali tat-tennista Alexander Zverev li meta dan…

Aktar