Tibda t-tellieqa tal-qdif fl-Oċean Atlantiku

Madwar 30 tim minn 12-il pajjiż differenti, ilbieraħ bdew it-Talisker Whisky Atlantic Challenge, fejn iridu jaqsmu l-Oċean Atlantiku minn La Gomera fil-Gżejjer Kanari sakemm jaslu s’Antigua.

Din it-tellieqa hija twila 3,000 mil u huwa mistenni li t-tim rebbieħ jasal f’Antigua f’madwar 30 ġurnata, bl-aħħar tim probabbli jasal sal-port mat-tliet xhur oħra.

Is-sena li għaddiet, it-tim ta’ Four Oarsmen, kienu wettqu rekord ġdid meta lestew it-tellieqa f’29 ġurnata u allura għandhom ir-rekord dinji f’idejhom. Fit-tellieqa ta’ din is-sena hemm timijiet bħalma huma Row for the Ocean, Wolfpack, kif ukoll it-Team Antigua Island Girls. Matul din it-tellieqa, il-qaddiefa jesperjenzaw ftit minn kollox, minn maltempati tropikali, mewġ għoli 40 pied u sħana li taqli l-ġrieden.

Il-qaddiefa ser ikunu fil-baħar bejn 30 u 90 ġurnata, fejn għall-ewwel darba hemm timijiet li jinsabu b’ħames qaddiefa, imbagħad oħrajn b’erbgħa, bi tlieta, u anke timijiet ta’ tnejn u qaddiefa waħedhom.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol lokali

Kevin Tulimieri, il-midfielder ta’ Hamrun Spartans FC, iffirma kuntratt ġdid li se jorbtu mal-klabb sal-istaġun 2019/20. Dan ifisser li l-plejer Taljan minn Napli se jkun qed jilbes il-flokk tal-Ispartans għal…

Futbol internazzjonali

Cristiano Ronaldo, il-plejer ta’ Juventus FC u tal-Portugall, laħaq ftehim mal-Qorti ta’ Madrid fi Spanja, biex iħallas kważi €19,000,000 f’multa talli evada t-taxxa fiż-żmien li kien jilgħab ma’ Real Madrid….

Futbol lokali

Marsa FC jinsabu għaddejjin minn turbolenzi kbar fil-klabb tagħhom minħabba l-fatt li fl-aħħar sigħat, disgħa minn 11-il membru li kienu jiffurmaw parti mill-Kumitat tagħhom, irriżenjaw minħabba diżgwied mal-President Twanny Mercieca….

Futbol lokali

Qormi Hotspurs serqu x-xena f’din is-sitt ġurnata tal-kampjonat tal-MAFA tal-Ewwel Diviżjoni meta b’gowl uniku skorjat lejn l-aħħar parti tal-logħba huma għelbu lil-liders Versity AFC. Minnufih approfittaw ruħhom Senglea Gunners li…

Aktar