Futbol lokali
Tim Nazzjonali U21: L-ebda paragun…l-Iżvezja jiddominaw minn kull aspett u jiskurjaw erbgħa

Partita minn Grupp 6 ta’ taħt il-21 sena, ta’ kwalifikazzjoni għall-Kampjonati Ewropej fl-Italja s-sena d-dieħla:

Telfa ta’ 4-0 għal Malta kontra l-Iżvezja fis-Centenary Stadium f’Ta’ Qali.

L-Iżvedizi ħadu biss 3 minuti biex imorru fil-vantaġġ: azzjoni ta’ Ingellson minn fuq il-lemin, bil-ballun jispiċċa f’saqajn Andersson li żmarkat f’tarf il-kaxxa ż-żgħira bil-kalma kollha tefa’ fix-xibka.

Ir-reazzjoni tal-Maltin damet ma waslet, l-ewwel azzjoni kienet xutt għoli ta’ Corbolan fit-22 minuta.

Fit-30 minuta triangulazzjoni tajba Żvediża bix-xutt finali ta’ Levi jmur ftit barra.

Fit-32 minuta l-iskor isir 2-0. Kross ta’ Tekie minn mal-linja, Karl Micallef naqas li jikklerja uStrandberg waħdu ma falliex.

Jgħaddu 6 minuti oħra u Jake Galea jeħles lill-Maltin minn azzjoni perikoluża li setgħet issarfet f’gowl ieħor meta ħareġ tajjeb u mblokka f’saqajn Standberg.

Fil-ħin miżjud tal-ewwel taqsima, flick ta’ Corbolan minn corner tispiċċa mal-ġenb tax-xibka.

Fit-tieni taqsima, l-ewwel azzjoni fit-58 minuta meta xutt ta’ Levi għadda ftit barra u fis-60 minuta, l-iskor isir 3-0. Rakip mix-xellug tal-kaxxa lejn in-nofs, Strandberg kellu l-iktar biċċa xogħol faċli biex mattar saqajh u tefa’ f’xibka vojta.

Fid-79 minuta, l-iskor isir 4-0. Jean Borg waqqa’ lil Levi fil-kaxxa, ir-referee jordna penalty li mill-11-il metru Rakip tefa’ l-ballun naħa u lil Galea n-naħa l-oħra.

Skor finali ta’ 4-0. Żvezja dominanti u superjuri fiżikament u tattikament bit-tim Malti nieqes mill-ideat meħtieġa għall-partita ta’ din l-importanza.

Rebħa importanti li ttella’ lill-Iżvezja fl-ewwel post ta’ Grupp 6 bi 17-il punt daqs il-Belgju.

Għal Malta s-seba’ telfa minn sebgħa. Issa jonqos il-partiti f’darna kontra l-Belġju f’Settembru, u l-Ungerija u Ċipru f’Ottubru.

Malta lagħbet b’din il-formazzjoni: Galea, Borg, Micallef, Vella, Mbong, Grech, Nwoko, Degabriele, Beerman, Nwoko u Corbolan.

Miktub minn...
TVM Sport
Aħbarijiet Oħra
Futbol lokali

Brandon Cassar, Nickolas Paris u Mattia Calleja huma tliet plejers li jiffurmaw parti mill-iskwadra ta’ taħt it-13-il sena ta’ Fgura United F.C. u li għadhom kif esperjenzaw erbat ijiem taħriġ fi Siena, fl-akkademja…

Futbol lokali

Giovanni Tedesco, l-ex kowċ ta’ Hamrun Spartans FC, mil-lum sar kowċ ta’ Gżira United FC. Tedesco ffirma kuntratt ta’ tliet snin li se jorbtu mal-klabb tal-Maroons sal-istaġun 2021/2022. Fi stqarrija…

Futbol lokali

Il-Gozo Football Association temmet uffiċjalment l-istaġun tal-futbol 2018/2019 bl-avveniment anwali tal-GFA Awards 2018 / 2019, fejn l-assoċjazzjoni ħabbret u ppreżentat l-unuri individwali f’diversi kategoriji ta’ kompetizjonijiet tal-futbol Għawdxi.  L-unuri ewlenin…

Futbol lokali

Roderick Briffa, il-midfielder nazzjonali Malti ta’ 37 sena, se jerġa’ jsir plejer ta’ Birkirkara fis-sigħat jew il-jiem li ġejjin. TVM Sport jista’ jikkonferma li Briffa laħaq ftehim ma’ Birkirkara FC…

Aktar