Futbol lokali
BIL-FILMAT: Tim Nazzjonali U21 – Wirja kbira u rebħa mistħoqqa għal Malta kontra l-Ungerija

It-tim nazzjonali Malti tal-futbol ta’ taħt il-21 sena, illum kellu rebħa tajba fid-9 partita mill-Grupp ta’ Kwalifikazzjoni għall-Kampjonati Ewropej kontra l-Ungerija bi skor ta’ 2-1.

Kienet wirja ta’ kuraġġ li ħarġet ta’ eroj lill-plejers Maltin li marru fil-vantaġġ u reġgħu skurjaw il-gowl tar-rebħa fil-ħin miżjud.

Kienet rebħa mistħoqqa għat-tim immexxi mill-kowċ nazzjonali Silvio Vella li lagħbu l-aqwa partita tagħhom f’dan il-grupp ta’ kwalifikazzjoni.

Malta fetħet l-iskor wara 12-il minuta logħob. Freekick ta’ Jurgen Degabriele, daqqa ta’ ras ta’ Guillamier li għeleb lill-gowlkipert avversarju.

L-Ungerija ġabu l-gowl tad-draw mal-ftuħ tat-tieni taqsima. Corner ta’ Zsoter u Attila Szalai għola fuq kulħadd u b’daqqa ta’ ras għeleb lil Jake Galea.

Il-gowl tar-rebħa tal-Maltin wasal fil-ħin miżjud meta Degabriele reġa’ ta’ pass perfett lil Myles Beerman li żamm b’mod perfett u b’xutt fl-għoli għeleb lill-gowlkiper avversarju Bese.

Din kienet rebħa li tagħti kuraġġ kbir lit-tim nazzjonali Malti għal li ġej.

Malta tilgħab l-aħħar partita ta’ dan il-grupp kontra Ċipru fis-Centenary Stadium, nhar it-Tlieta.

Miktub minn...
TVM Sport
Aħbarijiet Oħra
Futbol lokali

Manuele Blasi, l-ex plejer ta’ Juventus, Parma, Fiorentina u Napoli, fost l-oħrajn, se jkun il-kowċ il-ġdid ta’ Hamrun Spartans FC. TVM Sport jista’ jikkonferma li Hamrun Spartans għalqu dawn in-negozjati…

Futbol lokali

Pietà Hotspurs FC għelbu lil Floriana FC fil-finali tan-Knock Out li ntlagħbet ilbieraħ fil-Victor Tedesco Stadium fil-Ħamrun bi skor ta’ 3-1. B’din ir-rebħa, t-tim tal-Hotspurs reġa’ ta prova li hu…

Futbol lokali

Football lokali: Il-Kowċ tat-tim nazzjonali Malti Ray Farrugia illum sejjaħ skwadra provizorja għal-logħbiet ta’ kwalifikazzjoni tal-Kampjonati Euro 2020 kontra l-Iżvezja u r-Rumanija rispettivament. It-tim Malti ser jilgħab barra minn darna…

Futbol lokali

FINALI KO MAFA 2018-19 Versity AFC irnexxielhom jiksbu double storiku fil-MAFA meta rebħu l-kompetizzjoni Knock-Out kontra r-rivali Valletta St Pauls bl-għoti tal-penalties. Wara li ġimgħa ilu t-tim minn Tal-Qroqq rebħu…

Aktar