Futbol internazzjonali
Tipsport Malta Cup: finali Slovan – Brno
Nhar it-Tnejn fis-1.30 fl-Istadium Nazzjonali

Slovan Bratislava tas-Slovakkja u Zbrojovka Brno tar-Repubblika Ċeka se jikkontestaw il-finali tal-ewwel edizzjoni tat-TipSport Malta Cup nhar it-Tnejn li ġej fl-Istadium Nazzjonali Ta’ Qali.

Fis-semifinali tal-lum Slovan għelbu lit-team tas-Superliga Ċeka Mlada Boleslav 2-1: waqt li fil-konfront bejn it-timijiet tat-Tieni Diviżjoni Ċeka, kienu Brno li ħarġu rebbieħa 2-0 fuq Taborsko.

Il-finali ta’ nhar it-Tnejn tibda fis-1.30 ta’ wara nofsinhar: qabilha fil-11 ikun hemm il-partita għat-tielet post bejn is-semifinalisti telliefa.

Dan it-tournament kwadrangulari huwa inizjattiva tal-kumpanija MFA SportsPlus b’kollaborazzjoni mal-aġenzija Ċeka tal-betting Tipsport: bit-timijiet Ċeki u dak Slovakk japprofittaw mill-waqfa għax-xitwa tal-kampjonati f’pajjiżhom u jieħdu l-okkażjoni għal training camp qasir fil-klima ferm aktar favorevoli ta’ Malta.

L-Erbgħa u l-Ħamis filgħaxija l-erba’ timijiet se jkunu mpenjati f’partiti ta’ ħbiberija ma’ Hibernians, Floriana, Balzan, u Gżira Utd, dejjem fl-Istadium Nazzjonali.

 

It-Tnejn – Stadium Nazzjonali

11:00 Partita għat-3 Post: FK MAS Taborsko – FK Mladá Boleslav

13:30 Finali: FC Zbrojovka Brno – SK Slovan Bratislava

L-Erbgħa – Stadium Nazzjonali

18:00 FC Zbrojovka Brno – Hibernians

20:00 FK MAS Taborsko – Floriana

Il-Ħamis – Stadium Nazzjonali

18:00 FK Mladá Boleslav – Balzan

20:00 SK Slovan Bratislava – Gżira Utd

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol internazzjonali

Kollox qed jindika li ntlaħaq ftehim bejn Inter u Paris St Germain biex il-player Arġentin Mauro Icardi jsir player tal-Pariġini għal kollox. Icardi kien diġa’ wera’ x-xewqa li jibqa’ fil-Ligue…

Futbol internazzjonali

Fi Spanja l-Gvern flimkien ma’ La Liga ħabbru li l-kampjonat 2019/20 jista’ jkompli mill-11 ta’ Ġunju. Fi stqarrija ż-żewġ naħat qalu li ntlaħaq ftehim mal-Federazzjoni tal-Football ta’ Spanja wkoll sabiex…

Futbol internazzjonali

Il-leaders tal-kampjonat Awstrijakk, LASK, ġew immultati €75,000 u tnaqqsulhom sitt punti wara li kissru l-Liġi tad-distanza waqt it-taħriġ. Il-kampjonat Awstrijakk se jkompli fit-2 ta’ Ġunju hekk kif jintemm il-lockdown fil-pajjiż….

Futbol internazzjonali

Gernot Rohr ħabbar li se jibqa’ kowċ tat-tim nazzjonali tan-Niġerja. Rohr wasal għal dan il-ftehim wara xhur ta’ negozjati mal-Federazzjoni tal-futbol tan-Niġerja. Il-federazzjoni kienet talbet lil Rohr iqatta’ aktar ħin…

Aktar