Futbol lokali
FILMAT: Tkompli l-ġirja tal-Ispartans għall-post fl-Ewropa, Pietà l-ewwel tim relegat

KAMPJONAT OV PREMIER 2018/19

Pietà H……….0

Ħamrun S…..2

Fl-ewwel logħba fil-Hibernians Stadium, Pietà Hotspurs tilfu kontra Ħamrun Spartans bl-iskor ta’ 2-0, biex b’hekk huma l-ewwel tim relegat għall-Ewwel Diviżjoni. Min-naħa l-oħra, għall-Ispartans din kienet rebħa importanti li żammithom b’ċans tajjeb li jiksbu r-raba’ post, allura post fl-Europa League fl-istaġun li ġej.

Dan kien l-aħħar ċans għall-Hotspurs li forsi jsalvaw posthom fil-Kampjonat BOV Premier, iżda wara staġun pjuttost diżappuntanti, fejn s’issa ħadu tmintax-il telfa, il-kitba kienet fuq il-ħajt qabel dan il-konfront. Għall-Ispartans, l-aħħar żewġ logħbiet kienu skossi fejn fihom tilfu 4 punti, u għaldaqstant il-logħba tal-lum kienet importantissima għall-fini ta’ punti.

Fl-ewwel rawnd Ħamrun kienu ħarġu rebbieħa bl-iskor ta’ 3-2.

Fil-21 minuta, Chimezie ta’ Pietà prova xutt mid-distanza li iżda kien fjakk u ma’ ta l-ebda problemi lil Bartolo. Fit-33 minuta l-Ispartans tilfu ċans tajjeb li jmorru fil-vantaġġ meta Domoraud qassam lejn Tulimieri li min quddiem Chircop St John għamel dak li ħadd ma stenna minnu, u tefgħu barra. Imma żewġ minuti wara Kevin Tulimieri rnexxielu jsib ix-xibka wara li Hennenberg interċetta pass tajjeb, qabeż lill-goalkeeper u u tefa’ kross baxx li sab lit-Taljan fil-post opportun biex jikkonkludi. Fil-41 minuta reġgħu kienu Ħamrun meta Tulimieri għadda lejn Domoraud li waqqa’ lejn Calil, bix-xutt ta’ dan tal-aħħar ikun milqugħ mill-goalkeeper.

Reazzjoni mill-Hotspurs fit-52 minuta meta Agius prova xutt mill-bogħod, bil-goalkeeper Bartolo jkollu jdawwar f’corner. Fil-55 minuta reġgħu kienu Pietà, did-darba permezz ta’ Busuttil, li iżda x-xutt tiegħu minn qagħda angolata ħabat max-xibka minn barra. Mas-76 minuta Ħamrun għalqu l-logħba meta Micallef bi kross preċiż sab lil Wilfried Domoraud li minn taħt il-goalkeeper mattar il-ballun fix-xibka u għamilhom 2-0. Mat-tielet minuta tal-ħin addizjonali Mensah tal-Hotspurs kien sfortunat li ma sabx ix-xibka meta x-xutt tiegħu ħabat mal-mimduda.

Riżultat finali: Pietà H. 0  Ħamrun S. 2

BOV Plejer tal-Logħba: Wilfried Domoraud ta’ Ħamrun Spartans

Referee: Mario Apap

 

Miktub minn...
TVM Sport
.
Aħbarijiet Oħra
Futbol lokali

Illum tkomplu u tlesta l-MFA Symposium li kien organizzat f’Dar il-Mediterran fil-Belt Valletta. Dan is-symposium wassal tagħrif ta’ opportunitajiet fid-dinja diġitali tal-lum. Is-Symposium fetaħ b’diskors tal-President tal-MFA Norman Darmanin Demajo…

Futbol lokali

Darren Abdilla hu l-kowċ il-ġdid ta’ Valletta FC. Hu ffirma kuntratt li se jorbtu mal-klabb sal-istaġun 2021/2022. L-aħbar saret uffiċjali ilbieraħ filgħaxija. Abdilla kien strumentali biex Gżira United FC għamlu…

Futbol lokali

Bob Higgins, l-ex Youth Development Officer tal-Malta Football Association, instab ħati fuq 45 kap ta’ akkuża ta’ abbuż sesswali fuq 23 tifel. Higgins kien ingħata din il-kariga fl-MFA f’Lulju tal-1989…

Futbol lokali

Manuele Blasi, l-ex plejer tas-Serie u tat-tim nazzjonali Taljan, mil-lum sar il-kowċ ta’ Hamrun Spartans FC. Blasi se jkun qed jibdel lil Giovanni Tedesco li ħalla l-kariga tiegħu biex ingħaqad…

Aktar