Motorsport
Trakka tal-Motorsport: L-MMF ma’ taqbilx mal-pjanti proposti minn Periti Studio

Il-Federazzjoni Maltija tal-Motorsport ħarġet stqarrija biex tikkummenta fuq disinn tat-trakka tal-Motorsport li riċentement ġie ppubblikat fuq il-midja soċjali. Filwaqt li tirrikonoxxi l-isforzi li għamlu l-Periti Studio fuq l-inizjattiva tagħhom, il-Federazzjoni  tenfasizza li dawn il-faċilitajiet għandhom jaderixxu ma ‘regolamenti internazzjonali stretti fir-rigward tad-disinn, speċifikazzjonijiet u karatteristiċi ta’ sikurezza.

L-MMF qalet li wieħed irid jiftakar li t-trakka tal-Motorsport għandha takkomoda l-ogħla numru ta’ ‘dixxiplini possibbli u għandu wkoll jakkomoda tlielaq tal-muturi. Il-trakka għandha tinkludi wkoll faċilitajiet bażiċi li ikun hemm f’kull trakka bħal pitlane, paddock u ‘kamra tal-kontroll’. Dan id-disinn kif ippreżentat minn Periti Studio, kompletament injora ħafna min dan kollu, kif ukoll il-faċilità tat-tagħlim tas-sewqan għat-toroq li hija parti kruċjali tal-proġett, kemm għall-Gvern kif ukoll għall-Federazzjoni.  L-MMF qalet li wieħed mill-objettivi ewlenin tal-faċilitajiet tat-tagħlim tas-sewqan għat-toroq huwa li jgħin biex jitnaqqsu l-imwiet fit-toroq.

L-istqarrija tgħid ukoll li wieħed irid iqis ukoll li l-partijiet mill-art fid-disinn huma mikrija lil entitajiet oħra, b’mod partikolari ta’ Drag Racing, li l-Federazzjoni mhix ser taċċetta li tneħħi l-uniku sit f’Malta għal din id-dixxiplina, li ilha taħdem b’klabb mill-aktar attivi f’Malta, u dixxiplina li mhiex totalment kompatibbli maċ-ċirkwit biex joperaw flimkien, u fl-aħħar xhur investiet ħafna biex ittejjeb il-faċilità.

Il-Federazzjoni qalet li qed titlob lid-dilettanti kollha tal-motorsport biex iwaqqfu l-ispekulazzjoni f’dan il-mument vitali peress li dan jista ‘jkun iktar ta’ ħsara minn wieħed jimmaġina. L-MMF appellat sabiex il-Gvern jitħalla jaħdem liberament fuq il-wegħda elettorali tiegħu.

Miktub minn...
TVM Sport
.
Aħbarijiet Oħra
Motorsport

Il-Ħadd li ġej se jsir avveniment tal-land rovers fil-Mosta. Dan l-avveniment se jkun organizzat minn Land Rover Owners Malta bejn it-8.00am u s-1.00pm. Dawk kollha interessati msejħa biex jiltaqgħu fil-parkeġġ…

Motorsport

Grupp ta ‘ entużjasti Maltin waqfu l-ewwel klabb tal-marka tal-karozzi Ingliża MG. Għall-aħħar sena fuq l-inizjattiva ta ‘ Kris Scicluna, inħoloq grupp ta ‘ Facebook, u wara ftit bdew jiltaqgħu…

Motorsport

In-nisa li ser ikunu qegħdin jiktbu l-istorja fl-ewwel tellieqa tad-W Series, bdew l-ittestjar tal-karozzi fuq iċ-ċirkwit ta’ Lausitzring qabel fl-ewwel tmiem il-ġimgħa ta’ Mejju ssir l-ewwel tellieqa f’Hockenheim, il-Ġermanja. Waħda…

Aktar