Futbol lokali
Transfers lokali: Jake Galea jagħżel lil Hamrun Spartans

Jake Galea, il-gowlkiper internazzjonali Malti ta’ taħt il-21 sena, mil-lum sar plejer ta’ Hamrun Spartans.

Hamrun Spartans irnexxielhom jikkonvinċu lil Galea permezz ta’ Jacques Scerri, il-kowċ tagħhom li għandu relazzjoni tajba ħafna maż-żagħżugħ.

TVM Sport għamel ukoll kuntatt mal-plejer li kkonferma din l-aħbar minnufih.

Jidher li Galea kellu żewġ offerti oħra attrajenti, dik ta’ Gzira Utd u oħra mingħand Balzan.

Iżda finalment, Galea għażel lil Hamrun Spartans biex kompla żdied mal-lista ta’ akkwisti li Hamrun Spartans għamlu għal dan l-istaġun u li se jgħinuhom fl-ambizzjonijiet tagħhom.

Hamrun Spartans ħallsu l-parametri tal-plejer li kienu jammontaw għal aktar minn €7,000 u mistennija jdaħħlu r-reġistrazzjoni tal-plejer fl-uffiċini tal-MFA, il-Ġimgħa filgħodu.

Galea ffirma kuntratt ta’ sentejn.

Issa, Hamrun Spartans għandhom żewġ gowlkipers internazzjonali ta’ livell, lil Jake Galea u lil Steve Sultana. Huma taw ir-release lill-gowlkiper Dieu Merci Kambala Batusila.

Ma’ Sultana u Galea, Hamrun Spartans diġà wettqu erba’ akkwisti oħra; lil Dale Camilleri, Triston Caruana, Daniel Zerafa u Terence Agius.

Miktub minn...
TVM Sport
Aħbarijiet Oħra
Futbol lokali

Il-plejers u membri tal-istaff tekniku tat-tim nazzjonali Malti tal-futbol, dalgħodu għamlu ġest ta’ kuraġġ għal Jurgen Degabriele, l-attakkant ta’ Hibernians FC li weġġa’ fil-partita tas-Sibt li għadda mill-Kampjonat BOV Premier…

Futbol lokali

Għaxar plejers tal-Kampjonat BOV Premier ġew sospiżi partita mill-Kummissarju tad-Dixxipplina tal-Malta Football Association. Mosta FC għandhom sospiżi żewġ plejers; lil Juri Cisotti u lil Gianluca Cuomo. Plejers oħra li ġew…

Futbol lokali

Ħamsa u għoxrin sena wara r-rebħa storika ta’ Malta kontra l-Belġju fl-istadium nazzjonali f’Ta’Qali bl-iskor ta’ 1-0, Carmel Busuttil tkellem pubblikament għall-ewwel darba u ammetta li Raymond Vella, ‘il-Mundu’, kien…

Futbol lokali

L-ex President ta’ Floriana FC, uża l-paġna personali tiegħu ta’ facebook biex dalgħodu kiteb messaġġ lill-partitarji kollha tal-klabb. F’dan il-messaġġ, Said qal li fl-aħħar xhur, ġimgħat u jiem, diversi partitarji…

Aktar