Triathlon
Triathlon: Midalja tad-Deheb oħra għal Hannah Pace fl-Ingilterra
Iċ-Champion Nazzjonali tat-Triathlon Hannah Pace żiedet riżultat pożittiv ieħor meta rebħet Midalja tad-Deheb fil-Grupp tal-Età tagħha ġewwa l-Ingilterra fit-tellieqa Ironman 70.3 f’Staffordshire. 

Din ir-rebħa ġiet wara kompetizzjoni qawwija  u missielta. 

Minkejja li  l-bidu tat-tellieqa ġiet postposta minħabba ċ-ċpar,  dan id-dewmien li seta’ jaffetwa kwalunkwe atletla negattivament, Pace tat prestazzjoni soda biex spiċċat l-għawma tal-1.9km f’30 minuta 45 minuta. 

Fit-taqsima tar-roti, Pace tellqet f’terren li mhux familjari miegħu bit-tlajja u l-inżul frekwenti li jagħmel ir-rotta iktar diffiċli.  Pace qabdet ritmu stabbli fin-nofs maratona biex hekk issiġillat r-rebħa oħra għal Pace, b’riżultat finali tad-distanza totali ta’ 113-il kilometru f’ħin ta’ 4.59.25.

B’dan ir-riżultat, Pace ġabet kwalifika għall-Kampjonati Dinji tal-Ironman 70.3 fl-Afrika t’Isfel. Pace diġà kienet kwalifikat għal dawn il-Kampjonati fl-2016 u fl-2017 u kienet l-ewwel atleta femminili Maltija li kisbet dan l-unur. 

Miktub minn...
Mark Attard
Ġurnalist ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programmi UEFA Europa League Highlights u UEFA Champions League Highlights.
Aħbarijiet Oħra
Triathlon

Midalja tal-Fidda għal Hannah Pace fil-Kampjonati Ewropej tal-Triathlon f’Tartu, fl-Estonja. Pace rebħet din il-midalja fid-distanza standard ta’ 1.5km għawm, 40km rota u 10km ġirja. Pace li kienet qeda tikkompeti fil-Grupp…

Aktar