Table Tennis
Tournament internazzjonali tat-table tennis f’Malta fi tmiem il-ġimgħa

Fi tmiem din il-ġimgħa, l-assoċjazzjoni Maltija tat-table tennis se torganizza tournament internazzjonali bis-sehem ta’ tmien pajjiżi.

L-avveniment ingħata bidu llejla bi training camp ta’ jumejn għat-timijiet nazzjonali Maltin u t-timijiet mill-pajjiżi l-oħra: il-Kosovo, Wales, Ċipru, il-Gżejjer Faroe, il-Libanu, l-Irlanda u n-Norveġja.

It-tournament innifsu jiftaħ il-Ħamis u jkompli l-Ġimgħa bil-kompetizzjonijiet tat-timijiet: bl-events tas-singles skedati għas-Sibt u l-Ħadd.

Malta se tkun rappreżentata minn erba’ timijiet fil-kategoriji tan-nisa u tal-irġiel taħt is-16 u taħt it-18-il sena.

Mistieden speċjali għall-avveniment, l-ex-player Belġjan rebbieħ ta’ diversi unuri Jean-Michel Saive, kif ukoll il-president tal-Federazzjoni tat-Table Tennis tal-Commonwealth Vivek Kohli.

Il-pubbliku huwa mistieden mingħajr ħlas għal-logħob fil-gym tal-Università.

Miktub minn...
Chris Cassar