Futbol internazzjonali
UCL – Atletico Madrid u Man City jagħmlu pass tajjeb lejn il-kwalifikazzjoni

Fi Stadio Wanda Metropolitano, li fl-1 ta’ Ġunju se jospita l-finali taċ-Champions League, Atletico Madrid għelbu lil Juventus bl-iskor ta’ 2-0. Neqsin għaċ-champions Taljani l-plejers Juan Cuadrado li ilu barra diversi ġimgħat u Sami Khedira, li baqa’ Turin minħabba xi problemi f’qalbu. Ir-referee tal-partita se jkun Felix Zwayer tal-Ġermanja.

L-ewwel azzjoni wara disa’ minuti meta free kick mid-distanza bil-gowlkeeper ta’ Atletico Oblak idawwar f’korner.Tlett minuti wara corner ta’ Pjanic u daqqa ta’ ras minn Bonucci għaddiet ftit għolja.Fil-15 il-minuta risposta ta’ Atletico b’xutt fil-baxx ta’ Thomas li Szczesny salva. Biex fid-29 min free kick ta’ Griezmann b’Szczesny jdawwar f’korner.

Atletico bdew it-tieni taqsima fuq l-offensiva hekk kif fil-50 minuta Diego Costa waħdu quddiem Szczesny ikkonkluda barra. Biex fit-53 minuta lob ta’ Griezmann kien salvat mill-gowlkeeper ta’ Juventus għal fuq il-mimduda. Fis-70 minuta Atletico sabu x-xibka hekk kif minn kross ta’ Filipe Luis kien Alvaro Morata li b’daqqa ta’ ras stupenda sab ix-xibka iżda l-gowl ġie mħassar għall-fawl fuq Chiellini wara konsultazzjoni mal-VAR. Fit-78 minuta Atletico fetħu l-iskor meta minn azzjoni ta’ korner kien Gimenez li sab ix-xibka wara taħwida fil-kaxxa. Huma rduppjaw fit-83 minuta meta wara free kick ta’ Griezmann kien Diego Godin li spara l-ballun fix-xibka.

U fil-Ġermanja, Manchester City għelbu lil Schalke bl-iskor ta’ 3-2. L-Ingliżi fil-vantaġġ fit-18 il-minuta hekk kif David Silva tefa’ ballun fil-kaxxa fejn daħal Sergio Aguero li poġġa l-ballun fix-xibka. Fit-38 minuta Otamendi deher imiss il-ballun b’idu fil-kaxxa bir-referee jordna penalty biex mill-ħdax il-metru kien Nabil Bentaleb li kkonverta. U mal-45 minuta penalty ieħor għal Schalke hekk kif Fernandinho ġibed lil Sane fil-kaxxa bir-referee jordna t-tieni penalty għall-Ġermaniżi u l-istess Nabil Bentaleb ma’ falliex. City kellhom lil Otamendi mkeċċi għat-tieni karta safra fit-68 minuta iżda minkejja dan huma kisbu l-gowl tad-draw minn free kick stupend ta’ Leroy Sane. Mad-90 minuta Raheem Sterling skorja l-gowl tar-rebħa drammatika għal City.

Miktub minn...
Simon Farrugia
Ġurnalist ta' TVM Sport. Isegwi l-Isport lokali u internazzjonali. Jippreżenta l-aħbarijiet sportivi , jirraporta u kummentatur tal-logħbiet mill-Kampjonat Premier, UEFA Champions League u UEFA Europa League
Aħbarijiet Oħra
Futbol internazzjonali

Kwalifikazzjoni Kampjonat Euro UEFA 2020 European Qualifiers – Grupp F Malta…………….. 2 Gżejjer Faroe……1 Malta bdiet bl-aħjar mod l-impenji tagħha fil-kampjonat Ewropew 2020 meta f’Ta’ Qali f’logħba mill-iktar eċċitanti għeleb…

Futbol internazzjonali

Illum komplew jintlagħbu aktar logħbiet mill-kwalifikazzjoni għall-Euro 2020 meta minn Grupp A f’Wembley Stadium l-Ingilterra bdew bil-kbir l-impenji tagħhom dan wara li huma għelbu lir-Repubblika Ċeka bl-iskor ta’ 5-0.  L-eroj…

Futbol internazzjonali

L-attakkant Brażiljan ta’ Paris St Germain Neymar ġie akkużat mill-UEFA talli insulenta lir-referee wara li t-tim Franċiż safa eliminat mir-round tal-aħħar sittax tal-UEFA Champions League minn Manchester United. Neymar li…

Futbol internazzjonali

Ilbieraħ filgħaxija bdew il-logħbiet tal-gruppi ta’ kwalifikazzjoni għall-EURO 2020, b’diversi riżultati li wħud minnhom kienu mistennija u oħra waslu b’sorpriża. Mistennija r-rebħiet tal-Olanda, il-Kroazja, il-Polonja u l-Belġju, filwaqt li l-Każakstan…

Aktar