Futbol internazzjonali
UEFA Champions League: Celtic u Porto eliminati

Celtic u Porto spiċċaw barra mill-UEFA Champions League meta nqalgħu b’mod sorprendenti fit-tielet round ta’ qabel il-play-offs finali ta’ din il-kompetizzjoni.

Celtic ġew megħluba mir-Rumeni ta’ Cluj bl-iskor ta’ 4-3 filwaqt li Porto sofrew telfa ta’ 3-2 f’darhom kontra Krasnodar.

Min-naħa l-oħra kien hemm Ajax Amsterdam li ikkwalifikaw bi tbatija kontra PAOK tal-Greċja meta rebħu bl-iskor ta’ 3-2 kif ukoll għaddew b’mod meritat Olympiakos, Apoel Nicosia, Dinamo Zagreb, LASK, Rosenborg. Red Star Belgrade u Club Brugge.

Fil-partita li ntlagħbet f’Estadio Dragao, Krasnodar kienu diġa’ 3-0 minn fuq fl-ewwel taqsima b’gowl ta’ Vilhena u doppjetta ta’ Suleymanov.

Porto wettqu reazzjoni fit-tieni taqsima u skorjaw żewġ gowls permezz ta’ Ze Luis u Luis Diaz sabiex għamlu l-iskor aggregate 3-3. Madankollu dan ma kienx biżżejjed sabiex jgħaddu hekk kif it-tim Russu għadda bil-gowls away jgħoddu doppju.

Kif għedna anke Celtic ħadu daqqa ta’ ħarta mhux mistennija meta sfaw megħluba f’darhom bl-iskor ta’ 4-3 minn CFR Cluj. Wara li r-Rumeni marru minn fuq permezz ta’ Deac, l-Iskoċċiżi malajr dawru r-riżultat permezz ta’ Forrest u Eduard bi Cluj jerġgħu jġibu l-iskor indaqs grazzi għal penalty ta’ Omrani.

Il-logħba kompliet tipproduċi aktar gowls fejn Celtic reġgħu marru fil-vantaġġ permezz ta’ Christie, bi Cluj li wettqu reazzjoni furjuża tant li dawru telfa f’rebħa b’gowls ta’ Omrani u Tucudean.

Miktub minn...
robert busuttil
Ġurnalist ta' TVM Sport. Isegwi l-Isport lokali u internazzjonali. JIkkumenta l-logħob tal-kampjonat Premier. Jippreżenta programm sportiv fuq radju tal-komunita'.
Aħbarijiet Oħra
Futbol internazzjonali

Barcelona 1   Espanyol 0 Gowl ta’ Luis Suarez fit-tieni taqsima kien biżżejjed biex Barcelona żammew il-pressjoni fuq Real Madrid fin-naħa ta’ fuq tal-klassifika filwaqt li Espanyol in-naħa l-oħra spiċċaw relegati….

Futbol internazzjonali

Atalanta 2   Sampdoria 0 Atalanta kellhom jistennew sal-aħħar kwarta biex għelbu lil Sampdoria 2-0 u b’hekk qabżu lil Inter fil-klassifika tas-Serie A. Kien Toloi li fetaħ l-iskor fil-75 minuta u…

Futbol internazzjonali

Brighton & Hove Albion 1   Liverpool 3 Rebħa oħra għar-Reds ta’ Jurgen Klopp, din id-darba kontra Brighton & Hove Albion biex ħadu t-tletin rebħa tal-istaġun minn 34 logħba. Liverpool fetħu…

Futbol internazzjonali

Celta Vigo 1   Atlético Madrid 1 Celta Vigo ħadu punt importanti fil-ġlieda kontra r-relegazzjoni meta laqgħu għandom lil Atlético Madrid u żammewhom fi draw ta’ 1-1. Għal Madrileni kważi hemm…

Aktar