Futbol internazzjonali
UEFA Champions League: Grupp B u Ċ l-aktar tnejn jaħarqu fl-aħħar ġurnata tal-gruppi

Għada filgħaxija tiġi fi tmiemha l-fażi tal-gruppi tal-UEFA Champions League, bi Grupp Ċ jibqa’ l-aktar grupp interessanti meta kollox ser jiġi deċiż fl-aħħar ġurnata għaliex s’issa l-ebda tim għadu m’għamilha għall-fażi li jmiss. Kulma huwa ċert hu li t-tim ta’ Red Star Belgrade ma jistgħux jgħaddu għar-Round tas-16, biss xorta għadhom fiċ-ċans li jagħmluha għall-UEFA Europa League.

Żgur illi Anfield ser jerġa’ jkun mimli ħajja, storbju u kant kontinwu mill-iScousers, meta Liverpool jilqgħu lil Napoli f’logħba intensiva ħafna. Jekk kemm-il darba Liverpool joħorġu rebbieħa bl-iskor ta’ 1-0, allura jkunu huma li jgħaddu, imma jekk Napoli jiskurjaw, Liverpool ikollhom jiskurjaw tnejn aktar minn kemm jiskurjaw l-avversarji tagħhom. Dan kollu ser ikompli jagħmel il-logħba waħda aktar interessanti u missielta fil-grawnd.

Għal PSG il-logħba wkoll mhijiex ser tkun faċli, għaliex iridu jmorru s-Serbja, u t-tim ta’ Red Star iridu l-punti jekk iridu jżommu t-tama li għallinqas jagħmluha gaħll-UEFA Europa League. Min-naħa l-oħra, PSG għadhom iridu jippruvaw li huma wieħed mill-aqwa timijiet fl-Ewropa, għaliex l-aħħar li waslu sas-semifinali ta’ din il-kompetizzjoni kien fl-1995, u mhux ta’ b’xejn li ħafna kritiċi jgħidu li dan it-tim huwa biss tajjeb għal-Ligue 1 fejn l-isfida hija waħda minima.

Grupp B ukoll ser ikun wieħed intensiv, għax għalkemm Barcelona huma ċerti minn post fil-fażi li jmiss, għada ser jilqgħu lil Tottenham H. fil-Camp Nou, u t-tim Ingliż irid bilfors rebħa u allura wieħed irid jara kif ser jaġixxi t-tim Katalan. Fi tmiem il-ġimgħa, il-maniġer tal-Ispurs, Pochettino, serraħ lil Harry Kane u lil Christian Eriksen, fir-rebħa ta’ 2-0 kontra Liecester, imma għada jridu jkunu fl-aqwa tagħhom jekk iridu jwettqu sorpriża fi Spanja u jeliminaw lill-Inter.

Jekk Inter jirbħu kontra PSV, allura jittamaw f’żelqa minn Tottenham, għaliex jekk jiġu dro jew jitilfu fil-Camp Nou, allura jkunu l-Ispurs li jispiċċaw jilagħbu fil-UEFA Europa League. Għall-Inter il-logħba tista’ titqies bħala waħda faċli fil-Giuseppe Meazza, għaliex PSV m’għandhom l-ebda ċans f’dan il-grupp meta ġabru biss punt mill-ħames logħbiet ta’ qabel u qegħdin ankrati fil-qiegħ. Inter għandhom 7 punti minn massimu ta’ 15, u bħalissa jinsabu punti ndaqs ma’ Tottenham H.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Ilbieraħ intlagħbu diversi partiti minn madwar l-Ewropa mill-gruppi rispettivi tal-UEFA. Minn Grupp J, rebħa oħra konvinċenti għall-Italja kontra l-Greċja bi skor ta’ 2-0, li issa għaluhom seba’ rebħiet minn seba’…

Futbol internazzjonali

Malta….0 Żvezja…4   Tlettax minn tlettax għall-Iżvediżi kontra l-Maltin, wara li fl-Istadium Nazzjonali s-Sibt filgħaxija, Malta tilfet bl-iskor ta’ 4-0 kontra l-Iżvezja. Tlettax-il konfront li fihom l-Iżvediżi dejjem ħarġu rebbieħa…

Futbol internazzjonali

Il-plejer ta’ Barcelona u tal-Arġentina Lionel Messi attenda fiċ-Cirque du Soleil għal spettaklu dwar ħajtu bl-isem ta’ “Messi 10”. Dan l-ispettaklu kien dwar l-istorja ta’ ħajjet l-istilla Arġentina, minn meta…

Futbol lokali

Claudio Marchisio, l-ex plejer ta’ Juventus u tat-tim nazzjonali tal-Italja, jinsab f’Malta fuq stedina tal-Juventus Club Cuore Bianconero. U filwaqt li jinsab hawn biex jiltaqa’ mal-Juventini Maltin, ma naqasx milli…

Aktar