Futbol internazzjonali
UEFA Champions League: Manchester United eliminati; Roma fil-Kwarti tal-Finali

UEFA CHAMPIONS LEAGUE 2017/18

L-aħħar 16 – Partiti mit-tieni leg.

Manchester United…..1

Sevilla…..………………..2

Wara l-ewwel taqsima li fiha Manchester United kellhom l-aktar mill-pussess tal-ballun iżda l-okkażjonijiet kienu nieqsa fuq iż-żewġ naħat, it-tieni taqsima kienet isbaħ u ħafna aktar muvimentata.

Iżda ħadna sa kwarta mit-tmiem biex assistejna għall-gowls.

Sevilla fil-vantaġġ fl-74 minuta. Pablo Sarabia jgħaddi ballun perfett lil Wissam Ben Yedder li jfajjar xutt sabiħ għar-rokna li jegħleb lil De Gea.

L-anqas nifs u t-tim Spanjol jagħmilhom tnejn u jerġa’ jkun Wissam Ben Yedder li b’daqqa ta’ ras jitfa’ l-ballun fix-xibka.

Manchester United jagħmlu sforz u jiskurjaw il-gowl tat-2-1 fl-84 minuta meta Nemanja Matic tefa’ ballun fin-nofs u Romelu Lukaku kompla għal ġewwa.

Iżda dak kien l-aħħar gowl, tal-partita, kontra kull mistenni, Sevilla kwalifikati, Manchester United eliminati mill-UEFA Champions League wara draw ta’ 0-0 fi Spanja.

Roma….……………..1

Shaktar Donetsk….0

FL-ewwel taqsima ż-żewġ timijiet dehru jikkontrollaw lil xulxin, bit-tim Taljan xi ftit aktar avventurż, konxju li jrid jiskurja biex jikkwalifika.

Roma marru fil-vantaġġ fl-ewwel azzjoni fit-52 minuta. Kevin Strootman ta pass fit-tul lejn Edin Dzeko li antiċipa l-ħarġa ta’ Pyatov u tefa’ l-ballun warajh fix-xibka.

Gowl li kien biżżejjed biex jikkwalifika lil Roma għall-Kwarti tal-Finali wara t-telfa ta’ 2-1 barra minn darhom fl-Ukrajna.

Miktub minn...
TVM Sport
Aħbarijiet Oħra
Futbol internazzjonali

Id-derby Grieg bejn Panathinaikos u Olympiakos spiċċa abbandunat wara nkwiet kbir li nqala’ fil-grawnd fit-tieni taqsima. Il-qiegħa kienet taħraq sew sa minn qabel beda l-konfront u wara biss 4 minuti,…

Futbol internazzjonali

Il-logħba tan-nisa bejn Atlético Madrid u Barcelona kienet suċċess għan-numru kbir ta’ spettaturi li ħonqu l-Wanda Metropolitano Stadium, bil-Katalani jirbħu bl-iskor ta’ 2-0 biex fetħu beraħ it-tellieqa għat-titlu. Għal dan…

Futbol internazzjonali

Milan……2 Inter…….3 Inter jirbħu d-derby della Madonnina meta f’San Siro huma għelbu lill-Milan bl-iskor ta’ 3-2. Inter ħasdu lill-avversarji meta wara biss 3 minuti mill-bidu tal-konfront marru fil-vantaġġ. Kien cross…

Futbol internazzjonali

FA CUP 2018/19 Kwarti tal-Finali Brighton & Hove Albion għaddew għas-semi finali ta’ din is-sena wara li fil-kwarti tal-finali huma rebħu wara l-għoti tal-penalties kontra Millwall. Sad-90 minuta l-iskor kien…

Aktar