Futbol internazzjonali
UEFA Euro 2021 Nisa: draw għal Malta ma’ Iżrael

Jasal l-ewwel punt għal Malta fi Grupp B ta’ kwalifikazzjoni għall-Kampjonat UEFA Eurepo 2021 tan-Nisa wara draw ta’ 1-1 ma’ Iżrael fis-Centenary Stadium illejla.

Id-draw jsegwi tliet telfiet fl-ewwel tliet logħbiet tal-grupp: away kontra d-Danimarka u l-Bożnja, u home mal-Italja: bil-punt ċertament meritat għal Malta f’wirja dixxiplinata fid-difiża u avventuruża fl-attakk.

L-ewwel azzjoni Maltija mal-kwarta logħob: Rachel Cuschieri mix-xellug għaddiet lil Dorianne Theuma, li minn qagħda tajba f’nofs il-kaxxa llobjat għoli.

It-tweġiba Iżraeljana waslet b’xutt ta’ Efraim mal-ġenb tax-xibka: imbagħad kienet il-goalkeeper Janice Xuereb li salvat il-lasta tagħha meta ħarġet tajjeb u mblukkat f’saqajn Beck f’kontrattakk 3 ma’ 1 wara żball f’nofs il-ground.

Cuschieri xxuttjat ftit għoli minn freekick minn barra l-kaxxa: u fis-37 minuta Malta fil-vantaġġ: azzjoni mibdija minn Rachel Cuschieri li żmarkat lil Maria Farrugia, bl-attakkanta ta’ Sunderland tidħol fil-kaxxa u b’xutt fil-baxx titfa’ fir-rokna tax-xibka.

L-ewwel taqsima għalqet 1-0 u fil-bidu tat-tieni waħda l-Maltin darbtejn kellhom fejn jirduppjaw: l-ewwel meta Brenda Borg tefgħet barra wara li evitat lill-goalkeeper: imbagħad l-iskorer Maria Farrugia ġiet  imblukkata fl-aħħar mument minn difensur qabel setgħet tikkonkludi minn taħt il-lasta.

Biex fit-63 minuta Iżrael ġabu d-draw: il-ballun wasal f’tarf il-kaxxa għand Sharon Beck li b’xutt ċentrali għelbet lil Xuereb.

Fl-aħħar parti tal-logħba Iżrael għafsu għar-rebħa: b’Cuschieri ttajjarkwazi minn fuq il-linja u Xuereb tilqa’ tajjeb fuq xutt ta’ Avital.

Fil-ħin miżjud kienu l-Maltin li għal ftit ma skurjawx meta l-corner bid-dawra ta’ Dorianne Theuma għal ftit ma ħasadx lill-goalkeeper Schwarz: imma r-riżultat baqa’ ma nbidilx għal skor finali ta’ Malta 1, Iżrael 1

Nhar it-Tlieta li ġej it-team Malti jmissu partita oħra away kontra l-Italja f’Castel di Sangro, L’Aquila

Il-coach Mark Gatt beda b’din il-formazzjoni:

Janice Xuereb, Emma Lipman, Stefania Farrugia, Dorianne Theuma (captain), Rachel Cuschieri (90′ Martina Borg), Maria Farrugia, Shona Zammit, Jade Flask, Charlene Zammit, Brenda Borg (62′ Ylenia Carabott), Nicole Sciberras

Referee: Aleksandra Cesen (Slovenja)

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol internazzjonali

Il-winger ta’ Borussia Dortmund Jadon Sancho ftiehem ma’ Manchester United dwar il-paga li ser jaqla’ f’Old Trafford. Iż-żagħżugħ t’20 sena għamilha ċara ma’ Dortmund li jixtieq jirritorna l-Ingilterra matul dan…

Futbol internazzjonali

Wara tant stennija, u wara li l-kampjonati domestiċi madwar l-Ewropa twasslu għat-tmiem tagħhom ħafna iktar tard mis-soltu, din il-ġimgħa sa fl-aħħar jirritornaw il-kompetizzjonijiet tal-UEFA għall-clubs li kien ilhom sospiżi minn…

Futbol internazzjonali

Il-Federazzjoni Internazzjonali tal-Football, il-FIFA, iddeskriviet id-deċiżjoni tal-awtoritarjiet Żvizzeri li jiftħu proċeduri kriminali kontra l-President Gianni Infantino bħala assurda. Il-każ huwa dwar laqgħat li Infantino kellu mal-Avukat Ġenerali Żvizzeru Michael Lauber….

Futbol internazzjonali

Lecce 3   Parma 4 Lecce tilfu l-aħħar logħba tagħhom fis-Serie A meta laqgħu għandhom lil Parma u tilfu 4-3. Parma fetħu żewġ gowls vantaġġ qabel in-nofs siegħa logħob meta l-ewwel…

Aktar