Futbol lokali
UEFA Euro U19: rebħa mal-Litwanja u t-tielet post fil-grupp għal Malta
MALTA - LITWANJA 2-1

Wara telfa minima u draw, tasal ukoll ir-rebħa għat-team nazzjonali Malti ta’ taħt id-19-il sena fil-grupp ta’ kwalifikazzjoni għall-Kampjonat Ewropew tal-kategorija.

Ir-rebħa ta’ 2-1 ġiet fl-aħħar logħba tal-grupp kontra l-Litwanja: wara li kienu l-Litwani li fetħu l-iskor fit-12-il minuta minn Anisas wara li rċieva mingħand Urba. F’nofs l-ewwel taqsima ċans tajjeb għall-Maltin li jġibu d-draw imma Satariano ra l-goalkeeper avversarju jsalva wara li avvanza waħdu. Ftit wara Mbong kien imblukkat qabel seta’ jikkonkludi.

It-taqsima għalqet 1-0 imma ż-żgħażagħ Maltin ħarġu aktar determinati wara l-mistrieħ u bdew joħolqu ċans wara l-ieħor: mhux qabel b’danakollu ssugraw li jaqilgħu t-tieni goal meta Vareika qabeż anke lill-goalkeeper Sylla iżda difensur Malti tajjar il-ballun fil-ħin. Minuta wara wasal id-draw: Carlo Zammit Lonardelli kkrossja minn max-xellug u sab lil Alexander Satariano li antiċipa ‘l kulħadd u tefa’ fix-xibka. Mas-siegħa logħob reġa’ kien Satariano li kellu xutt imblukkat: u ftit wara kien hemm għajta għal penalty f’azzjoni oħra ta’ Malta. Fl-64 minuta l-goal tar-rebħa: Ayrton Attard bi through pass żmarka lil Marcus Grima li bil-kalma kollha ċċippja minn fuq il-goalkeeper. Wara xutt ieħor ta’ Grima li l-goalkeeper Litwan dawwar f’korner: fl-aħħar sekonda tal-ħin miżjud l-aħħar ħasda b’xutt li deher destinat għar-rokna tax-xibka imma ttajjar minn fuq il-linja minn difensur Malti. L-aħħar tisfira tar-referee ġabet ċelebrazzjonijiet kbar mill-players u l-istaff tekniku mmexxi mill-coach Winston Muscat.

Il-grupp intrebaħ minn Franza li dalgħodu ġew draw ta’ 2-2 mal-Belġju biex spiċċaw b’7 punti għall-5 tal-Belġjani, Malta 4 punti, il-Litwanja xejn. Franza u l-Belġju jgħaddu għall-elite round tal-kompetizzjoni: bil-possibilta’ li javvanzaw għall-finali bejn tmien timijiet fl-Armenja f’Lulju tas-sena d-dieħla.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm Kontrattakk.
Aħbarijiet Oħra
Futbol lokali

Tħabbret il- mewt tal- eks-referi internazzjonali Charles Scerri. Il-karriera tiegħu fil-logħba tal- futbol kienet waħda twila. Huwa kien anke ingħata diversi inkarigi internazzjonali mill-aktar importanti, kemm lejn l-aħħar tas-snin sebgħin…

Futbol lokali

Futbol lokali: Mill-Kampjonat BOV Premier żewġ Clubs St Andrews u Qormi rreġistraw protest kontra Floriana u Birkirkara rispettivament wara l-logħbiet ta’ tmiem il-ġimgħa. Kemm St. Andrews kif ukoll Qormi qed…

Futbol lokali

Jurgen Balzan rebaħ il-kategorija ta’ taħt id-19 -il sena tal-Major Tournament ta’ Milan f-Italja. Balzan rebaħ il-finali kontra l-plejer Franċiż Theo Modeste bl-iskor ta’ 1-0. Fil-kategorija Open ħadu sehem Massimo…

Futbol lokali

Football lokali: Fl-Okażjoni tal-128 sena mit-twaqqif tal-Club tal-Football ta’ St Georgess il-Kumitat preżenti ħaseb biex jfakkar din is-sena bil-kxief ta’ plakka kommemorattiva. Fi ħdan il-Club ta’ St Georges għad hemm…

Aktar