Futbol lokali
UEFA Europa League: Hibernians eliminati b’gowl kontroversjali, forsi ineżistenti

UEFA EUROPA LEAGUE 2019/20

HIBERNIANS….0

SHAKHTYOR…..1

(Aggregate 0-2)

Hibernians ma rnexielhomx jikkanċellaw l-iżvantaġġ tal-ewwel leg ilbieraħ kontra Shakhtyor Soligorsk, u dan minkejja li lagħbu għal ħinijiet twal bi plejer iktar. Kontra x-xejra tal-logħob Hibernians sofrew gowl ferm dubjuż fil-65 minuta, gowl li temm kull speranzi li seta’ kellhom biex kellhom ibaxxu rashom b’aggregate ta’ 2-0.

Wara biss 55 sekonda Hibernians viċin il-gowl b’xutt sabiħ ta’ Kristensen salvat b’diffikulta minn Klimovich. Wara din il-ħasda Shakhtyor kellhom azzjoni tajba fit-tmien minuta fejn Bakaj wasal ftit tard għal kross ta’ Kovalev.

Fl-20 minuta azzjoni mibdija minn Groothusen u żewġ tentattivi ta’ Mbong minn qagħda tajba kienu salvati bi bravura mill-goalkeeper avversarju. Mill-azzjoni ta’ korner xutt ta’ Dunstan Vella jgħaddi għoli.

Fl-34 minuta żvolta fil-logħba meta Aleksandr Selyava deher jirfes lil Bjorn Kristensen, bir-referee mill-Każakstan juri karta ħamra diretta lil Selyava.

Hibernians ippruvaw japprofittaw u Jake Grech wasal tard għal pass fit-tul ta’ Agius. Fit-38 minuta l-goalkeeper ta’ Hibernians Jovicic salva lil sħabu l-ewwel meta ħareġ f’saqajn Bakaj, u mir-rebound salva x-xutt ta’ Kovalev.

Fit-tieni taqsima Hibernians ħarġu fuq l-attakk u appellaw għal penalty meta ballun seta’ ħabat ma’ id difensur ta’ Shakhtyor. Fit-53 minuta xutt ta’ Nanni minn tarf il-kaxxa jgħaddi jħakkek mal-lasta. Hibernians issa bdew iżidu sewwa fil-logħob u kienu l-ħin kollu fuq l-avversarji.

Iżda fil-65 minuta kontra x-xejra tal-logħob Nikita Tatarkov li kien għadu kif daħal bħala sostitut, ta kross shot li qarraq bil-goalkeeper Jovicic bil-ballun jaħbat mal-lasta u jispiċċa f’idejn l-istess Jovicic, iżda apparentement il-ballun qabeż il-linja bir-referee mill-ewwel jikkonvalida l-gowl.

Hibernians issa kienu demoralizzati u biex tkompli tiġi ħażina anki l-Pawlisti spiċċaw b’għaxar plejers fit-73 minuta meta Ferdinando Apap dabbar it-tieni karta safra, f’deċiżjoni ferm ħarxa fil-konfront tal-plejer Għawdxi.

Il-logħba prattikament intemmet hawn u magħha l-aspirazzjonijiet ta’ Hibernians li jikkwalifikaw.

Miktub minn...
TVM Sport
Aħbarijiet Oħra
Futbol lokali

Birkirkara kienu deċiżament aħjar fl-ewwel taqsima fejn għal ħinijiet kienu fuq l-attakk u wara seba’ minuti kellhom gowl ta’ Falcone mħassar, bl-istess plejer jikkonkludi għoli minn qagħda tajba ftit wara….

Futbol lokali

GUDJA UTD. – SENGLEA A. 4-1 Gudja approfittaw tajjeb mill-fatt li kienu qed jilgħabu b’żewġ plejers aktar u ġabru t-tlett punti mportanti biex telgħu punt taħt Balzan. Fl-24 minuta azzjoni…

Futbol lokali

Gżira United – Mosta 3-1 Wara żewġ minuti logħob tasal l-ewwel azzjoni meta kross ta’ Kyle Xuereb ballun fuq ras Kotlov bil-ballun jispiċċa barra fuq ix-xibka. 8 minuti għal darb’oħra…

Futbol lokali

FLORIANA 2 SANTA LUCIA 1 Floriana rritornaw għar-rebħ wara żewġ draw konsekuttivi dan hekk kif huma għelbu lil Santa Lucia biex żammew it-tlett punti vantaġġ fil-quċċata tal-klassifika. Fil-ħdax il-minuta free…

Aktar