Futbol internazzjonali
UEFA Europa League: Maurizio Sarri jitkellem mal-ġurnalisti ġimgħa qabel il-finali

Il-manager ta’ Chelsea Maurizio Sarri qal li l-futur tiegħu huwa nhar l-Erbgħa li ġej waqt konferenza tal-aħbarijiet fi Stamford Bridge, ġimgħa qabel ma’ Chelsea jilagħbu kontra Arsenal fil-finali tal-UEFA Europa League.

Għalkemm Sarri fadallu sentejn kuntratt mal-Blues, l-ispekulazzjoni qed tkompli tikber li wara l-finali tal-Europa League huwa ser iħalli Stamford Bridge biex imur Turin flimkien ma’ Juventus. Għalkemm matul dan l-istaġun it-Taljan kellu kritika kontinwa, fl-aħħar mill-aħħar xorta wassal lil Chelsea sat-tielet post fil-kampjonat u allura post ċert fiċ-Champions League fl-istaġun li ġej. Fl-istess konferenza tal-aħbarijiet, Sarri kien mistoqsi dwar il-futur tal-Belġjan Eden Hazard u jekk il-finali hijiex ser tkun l-aħħar logħba tiegħu bil-flokk ta’ Chelsea. Għalkemm bħala manager jixtieq li Hazard jibqa’ f’Londra fl-istaġun li ġej, qal li Chelsea jridu jkunu lesti jekk jiddeċiedi mod ieħor.

Fl-aħħar nett Sarri kkumenta dwar is-6,000 biljett li kull klabb ingħata għal-logħba ta’ bħal-lum ġimgħa. Qal li kien jippreferi li kieku ngħataw 30,000 biljett lil kull tim milli ħafna partitarji ser imorru l-Ażerbajġan mingħajr biljett imbagħad jixtru wieħed biz-zalza tiġihom għola mill-ħuta.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Serie A 2019/20 Riżultati tat-3 ġurnata Genoa 1 – 2 Atalanta Brescia 3 – 4 Bologna Parma 1 – 3 Cagliari Spal 2 – 1 Lazio AS Roma 4 – 2 Sassuolo

Futbol internazzjonali

KAMPJONAT PREMIER INGLIŻ Fil-ħames ġurnata tal-kampjonat Premier Ingliż, Norwich City ħasdu għal kollox liċ-champions Manchester City billi rebħulhom bl-iskor ta’ 3-2. Din kienet l-ewwel telfa fil-kampjonat għas-Citizens. Norwich stabilixxew vantaġġ…

Futbol internazzjonali

Fit-23 Laqgħa Ġenerali Annwali tal-Assoċjazzjoni tal-Klabbs Ewropej li saret f’Ġinevra, l-klabbs insistew fit-talba tagħhom biex ikun hemm riforma fil-kompetizzjonijiet ewropej. Il-proposta ppjanat li tibda fis-sena 2024 tinkludi l-formazzjoni ta’ tliet…

Futbol internazzjonali

Il-bieraħ komplew jintlagħbu aktar logħbiet ta’ kwalifikazzjoni għall-Kampjonati tal-Ewropa 2020 fejn il-Ġermanja kisbu rebħa importanti kontra l-Irlanda ta’ Fuq filwaqt li mill-istess Grupp l-Olanda komplew għaddejjin bir-rebħ. Dawn kienu r-riżultati…

Aktar