Uefa Europa League – Rebha importanti ‘away’ għal Juventus

Tibqa ħajja l-ħolma ta’ Juventus li jilgħabu l-finali tal-kompetizzjoni f’darhom stess wara li fl-ewwel leg tal-kwarti finali għelbu barra minn darhom lil Olympic Lyon bl-iskor ta’ 1-0.

Gowl li ddeċieda l-partita favur iċ-ċampjins Taljani lejn it-tmiem eżattament fil-85 minuta mid-difensur Leonardo Bonucci.

Fl-Isvizzera, bil-bibien magħluqa, Basle għelbu lil Valencia bl-iskor ta’ 3-0.

Żewġ gowls ta Matias Emilio Delgado f’temp ta erba minuti wara n-nofs siegħa logħob taw vantaġġ lill-Isvizzeri sa tmiem l-ewwel taqsima, biex lejn it-tmiem, Valentin Stocker isiġġila r-rebħa bit-tielet gowl, u vantaġġ komdu għall-Isvizzeri qabel il-logħba ta’ ritorn fil-Mestalla l-Ħamis li ġej.

U rebħiet identiċi ta’ 1-0 għaż-żewġ ġganti Portugiżi, Porto u Benfica.

F’darhom Porto għelbu lil Sevilla b’gowl ta’ Eliaquim Mangala fl-ewwel taqsima, waqt li gowl kmieni fit-tieni taqsima minn Eduardo Salvio kien biżejjed għal Benfica barra minn darhom għand AZ Alkmaar.

Riżultati :-

O.Lyon – Juventus 0 – 1

AZ – Benfica 0 – 1

Porto – Sevilla 1 – 0

Basle – Valencia 3 – 0

Miktub minn...
Rodney Vassallo